۴۱۷ آنتیک مایا شهری کشف ائدیلدی
مینلرجه ایلدیر گیزلنه‌ن قورولوشلارین، گلیشمیش بیر رادار تکنولوژیسی ایله اورتایا چیخاریلیب خریطه‌لندیریلمه‌سی ایله، آمریکا قاره‌سینین تاریخی حاقین‌دا بیلینه‌نلر دییشه‌بیله‌جک
گواتمالادا مئشه‌ده، گئچمیشی میلاددان اؤنجه ۱۰۰۰ ایللرینه قدر گئدن ۴۱۷ آنتیک مایا شهری کشف ائدیلدی.
آمریکا بیرلشمیش دؤولتلری - گواتمالا اورتاق آرکئولوژیک آراشدیرماسیندان بیلیم اینسانلاری، واشینگتون پستا وئردیی بیر مصاحبه‌ده، ۱۷۷ کیلومترلیک "اتوبانلار" ایله بیر-بیرینه باغلانان، تخمیناً ۳ مین ایل اؤنجه‌سینه دایانان ۴۱۷ شهر کشف ائتدیکلرینی آچیقلادی.
بو کشف، تاریخچیلری آنتیک مایا مدنیتی حاقین‌دا بیلدیکلرینی یئنی‌دن دوشونمه‌یه مجبور ائدیر.
واشینگتون پستون بیلدیردیگینه گؤره، بیر یول و شهر شبکه‌سی، هیدرولیک سیستملر و اکینچی‌لیک آلت یاپی کشفی، آرتیق، اورتا آمریکادا یاشایان توپلولوقلارین دوشونوله‌ن‌دن داها اینکیشاف ائتمیش اولدوغونو گؤستریر.
سیخ بیر مئشه اؤرتوسو آلتین‌دا مینلرجه ایلدیر گیزلنه‌ن قورولوشلارین، گلیشمیش بیر رادار تکنولوژیسی ایله اورتایا چیخاریلیب خریطه‌لندیریلمه‌سی ایله، آمریکا قاره‌سینین تاریخی حاقین‌دا بیلینه‌نلر دییشه‌بیله‌جک.
