ایستانبول، "دونیانین ان گؤزل یئرلری" لیستینده

ایستانبول تایم درگیسینین "۲۰۲۲ ایلینین ان گؤزل ۵۰ یئری" لیستینه گیردی.

درگینین بو هفته‌کی ساییسینین اۆز قابیغینین قونوسو، "دونیانین ان گؤزل یئرلری" اولدو.

تورونتو، میامی، بوگوتا، مارسیلیا، نایروبی، سئول، قوزئی قطبو بؤلگه‌سی و دولنی موراوا ایله بیرلیکده، درگی قابیغیندا آدی ساییلان شهرلر آراسیندا ایستانبول دا ایلک سیرالاردا یئر آلدی.

تایم درگیسینین هر ایل آچیقلادیغی لیستده، کووید-۱۹ سالقینیندان سونرا اقتصادی دیرچلیشده اوغور قازانان، سۆردوره‌بیلیرلیگه اؤنم وئره‌ن، بو ساحه‌یه سرمایه قویان و مثبت ایستیقامتده بؤیویه‌ن، گزیلیب گؤرولمه‌سی تؤوصیه ائدیلن ۵۰ شهره وئریلدی.

لیست، درگینین دونیانین هر یئرینده چالیشانلاری و اوخوجولاری طرفیندن حاضیرلاندی.

درگیده، ایستانبوللا باغلی بؤلومه "کلاسیک بیر یئنیدن دوغوش" آدی وئریلمیشدیر. "اؤلکه آدینین تورکجه ایشله‌نمه‌یه باشلاندیغی تورکیه‌نین ان سحیرلی شهری ایستانبول، اؤزو اؤزونه بیر رنسانس یاشاییر" ایفاده‌سینه یئر وئریلن درگیده، ایستانبولون تاریخی سمتلریندن بیری اولان قاراکؤی‌ده آچیلان گالاتاپورتون دونیانین ایلک یئر آلتی یولچو ترمینالینا صاحیب گزی گمیسی لیمانی اولدوغو بیلدیریلدی.

ایستانبول مدرن صنعتلر موزه‌سینه  توخونولان درگیده، آتاتورک کولتور مرکزی حاقیندا دا بیلگی وئریلدی.

آتاتورک کولتور مرکزینین اسکی بیناسینین ۲۰۰۸.جی ایلده باغلاندیغی، ییخیلیب یئنیدن تیکیلدیگی، ۱۳ ایل آرادان سونرا اؤتن ایل یئنیدن فعالیته باشلادیغی آنلادیلان درگیده، یئید‌دن دیزاین ائدیله‌ن مکاندا کونسرت وتاتر سالونلاری، گالری و کیتابخانا اولدوغو بیلدیریلدی.