ایستانبول، گئچن ایلین رکوردونو قیردی
سپتامبر آییندا ایستانبولا گلن خارجیلر آراسیندا بیرینجی یئری ایرانلیلار توتدو
ایستانبول، ایلین ۹ آیلیق دؤورونده ۵ میلیون ۸۲۹ مین ۹۲۰ توریستی قوناق ائتمکله اؤتن ایلین رکوردونو قیردی.
ایستانبول ایل مدنیت و توریزم مودورلوگو معلوماتینا گؤره، ایلین ۹ آییندا ایستانبولا گلن خاریجی توریستلرین ساییسی ۵ میلیون ۸۲۹ مین ۹۲۰ نفر اولدو.
سپتامبردا ایستانبولا ۹۷۵ مین ۹۱۶ نفر گلدی.
توریست ساییسی سپتامبردا گئچن ایلین عینی آیینا گؤره یوزده ۱۱۱ آرتدی.
معلوماتلارا گؤره، بو ایلین مارس آییندان اعتباراً ایستانبولا گلن خاریجی توریست ساییسی اؤتن ایلین عینی دؤورو ایله مقایسهده هر آی آرتدی.
سپتامبر آییندا ایستانبولا گلن خارجیلر آراسیندا بیرینجی یئری ایرانلیلار توتدو. سپتامبردا ایستانبولا ۱۰۵ مین ۹۵۸ ایرانلی توریست گلدی، بو دا قوناق ساییسینین یوزده ۱۰،۸۶ینی تشکیل ائدیر.
ایرانی، ۸۱ مین ۶۱۵ توریستله روسیا، ۷۹ مین ۳۸۴ توریستله آلمانیا، ۵۳ مین ۹۵۳ توریستله عراق، ۳۴ مین ۱۵۷ توریستله فرانسا، ۳۳ مین ۱۹۸ توریستله آمریکا، ۳۰ مین ۲۱۲ توریستله اوکراینا، ۲۹ مین ۹۰۰ توریستله اردن، ۲۷ مین ۲۵۴ توریستله کویت، ۲۶ مین ۲۹۹ توریستله اؤزبکیستان، ۲۳ مین ۹۲۸ توریستله لیبی، ۲۱ مین ۲۷۸ توریستله هلند، ۲۰ مین ۳۷۲ توریستله آذربایجان، ۱۹ مین ۸۵۷ توریستله لبنان، ۱۷ مین ۸۴۴ توریستله مراکش، ۱۶ مین ۵۷۵ توریستله مصر، ۱۶ مین ۱۰۸ توریست اینگیلتره، ۱۳ مین ۹۰۴ توریستله قازاخیستان، ۱۲ مین ۳۳۰ سوئد، ۱۱ مین ۱۱۱ توریستله تونس، ۱۰ مین ۹۰۴ توریست، بلژیک، ۱۰ مین ۸۴۲ توریستله اسپانیا، ۱۰ مین ۶۹۲ توریستله سوریه، ۱۰ مین ۴۶۴ توریستله ایتالیا و ۱۰ مین ۳۳۶ توریستله سوئیس ایزلهدی.
سؤزوگئدن دؤورده ایستانبولا ۱۹۱ اؤلکهدن توریست گلیرکن، لائوس و فیجیدن هر بیریندن بیر نفر، تونگا، واتیکان، بوتان، باهاما آدالاری، سنت وینسنت و گرنادینلردن هر بیریندن ایکی توریست ایستانبولا سفر ائتدی.