چاناق‌قالادا ۱۳۰۰ ایللیک آیاق ایزلری تاپیلدی
"گونوموزدن ۱۳۰۰ ایل اؤنجه‌سینه عاید بیر کرپیجین اوزرین‌ده بیر کؤرپه‌نین آیاق ایزلرینی گؤرمکده‌ییک"
چاناق‌قالادا اولان آنتیک چاغین ان اؤنملی لیمان شهرلرین‌دن آسوس‌دا، بیر کؤرپه‌یه عاید ۱۳۰۰ ایللیک آیاق ایزلری تاپیلدی.
آنتیک چاغدا "ترواس" اولاراق آدلاندیریلان بؤلگه‌نین گونئی اوجون‌دا وولکانیک بیر تپه‌نین ذیروه‌سی و یاماجلارین‌دا قورولان شهر، عصرلر بویونجا بیر چوخ مدنیته ائو صاحب‌لیگی ائتدی.
بؤلگه‌ده تورک بیلیم اینسانلارین طرفیندن ۴۰ ایلدیر قازی ایشی یئریدیر.
چاناق‌قالا اون سککیز مارس اونیورسیته‌سی فن ادبیات فاکولته‌سی آرکئولوژی بؤلومو خوجاسی و معلم و آسسوس آنتیک شهری قازی هئیتی باشقانی پروفسور دکتر نورالدین آرسلان، آنتیک شهرده بیر ائوین قالیقلارین‌دا، چؤرک پیشیرمک اوچون تیکیلدیگینی تخمین ائتدیکلری بیر اوجاغا راستلادیقلارینی ایفاده ائتدی.
آرسلان،
"اوجاغین ایچینده ایستیفاده ائدیله‌ن پیشمیش تورپاق کرپیجلر اوزرین‌ده بزه‌مه‌لر وار. آنجاق بو بزه‌مه‌لر دیشیندا تخمیناً ۱-۱،۵ یاشین‌دا، یئنی یئریمه‌یه باشلامیش بیر اوشاغین ۲ آددیم آتاراق بوراخمیش اولدوغو آیاق ایزلری وار. بونون یانیندا ایت یا دا بیر پیشیگین ایزی وار" دئدی.
آرسلان، بو تاپینتینی، کرپیجلر یاپیلیرکن یئنی یئریمه‌یه باشلایان کیچیک اوشاغین، آز قوروموش کرپیجلرین اوستونه چیخمیش، سونرا قوجاغا آلیناراق قالدیریلمیش اولابیلر دئیه یوروملادیقلارینی سؤیله‌دی.
ایزلرین تاپیلدیغی یئرین عاید اولدوغو دؤورله باغلی بیلگی وئره‌ن آسلان،
"بو تیکیلینین تاریخی ۷.جی عصر. دئمک کی گونوموزدن ۱۳۰۰ ایل اؤنجه‌سینه عاید بیر کرپیجین اوزرین‌ده بیر کؤرپه‌نین آیاق ایزلرینی گؤرمکده‌ییک" ایفاده‌لرینی ایشلتدی.
ایلگیلی‌لی خبرلر
آنکارا-دا "روس موسیقی موزه‌سی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.
