یوروویزیون ماهنی یاریشماسینین بیرینجیسی ایتالیا
یاریشمادا آذربایجانی "ماتا هاری" آدلی اثرله تمثیل ائد‌ن سامیرا افندی ده ۶۵ پوئن ایله ۲۰.جی اولدو
بو ایل هلندده ۶۵.جی‌سی تشکیل ائدیله‌ن یوروویزیون ماهنی یاریشماسینی، "زیتتی اِ بونی" آدلی ماهنیسییلا ایتالیانی تمثیل ائد‌ن مانسکین راک قروپو قازاندی.
روتردام شهرین‌ده گرچکلشدیرین"قوجاقلاما" قونولو یوروویزیون ماهنی یاریشماسینین فینالین‌دا ۲۶ اؤلکه‌نین نماینده‌لری یاریشدی.
یئنی نسیل کوروناویروس سببیله گئچه‌ن ایل تشکیل ائدیله‌بیلمه‌ین و بو ایله ارته‌لنن یاریشمایا، کووید-۱۹ تدبیرلریندن اؤترو ۲۴ ساعات ایچینده آلینمیش منفی تست بلگه‌سی اولان ۳ مین ۵۰۰ ایزله‌ییجی قاتیلدی. بو سایی، یاریشمانین ائدیلدیگی سالونون یوزده ایگیرمی‌سینی قدر ایدی.
یاریشمانین فینالین‌دا ایتالیانی تمثیل ائد‌ن راک قروپو مانسکینین، "زیتی اِ بونی" آدلی ماهنی‌سی ۵۲۴ پوئن ایله بیرینجی سئچیلدی.
یاریشمادا فرانسانین نماینده‌سی باربارا پراوینین سسلندیردیگی "وؤلا" آدلی ماهنی ۴۹۹ پونن ایله ایکینجی‌لیگی، سوئیس نماینده‌سی ژونز تیرزین "تو ل'ونیوئر" آدلی ماهنی‌سی دا ۴۳۲ پوئن ایله اوچونجولوگو الده ائتدی.
یاریشمادا آذربایجانی "ماتا هاری" آدلی اثرله تمثیل ائد‌ن سامیرا افندی ده ۶۵ پوئن ایله ۲۰.جی اولدو.
یاریشما، ۴۵ اؤلکه‌ده جانلی ایزله‌نیلدی.
