"بیر میللت، ایکی دؤولت" شعاری آلتیندا اونلاین ساتیش آکسیاسی

ایکی قارداش اؤلکه‌نین رسام و هیکل تراش‌لاری‌نین اثرلریندن عبارت "بیر میللت، ایکی دؤولت" شعاری آلتیندا آنلاین ساتیش آکسیاسی کئچیریلیر.

همین کامپانیا ایستانبول-دا یئرلشن یئدی تپه بیلیم یوردونون گؤزل صنعت‌لر فاکولته‌سی‌نین معلمی، آذربایجانین امکدار رسامی، پروفسور تیمور رضایئو و بیله جیک شیخ ائده با‌لی بیلیم یوردونون گؤزل صنعت‌لر فاکولته‌سی‌نین معلمی ائلچین مصطفی یئوین تشببوسو ایله رئاللاشیب.

قئید ائدک کی، آکسیا‌دان الده ائدیلن گلیرین تاریخی آذربایجان تورپاغی اولان قاراباغین ائرمنی ایشغالیندان آزاد ائدیلمه‌سی اوغروندا شهید اولان و یارا‌لانان حربیچی‌لریمیزین عائله‌لرینه، ائله‌جه ده محاربه‌دن ضرر چکن‌لره وئریلمه‌سی مقصدیله آذربایجان سلاحلی قوه‌لره یاردیم فوندونا باغیشلانماسی نظرده توتولور.

یاردیملاشما کامپانیاسینا 86 رسام ین عمومی لیکده 140 اثری تقدیم ائدیلیب.

آکسیادا آذربایجانین و تورکیه-‌نین رسم صنعتی‌نین دونیاجا مشهور آدلاری اؤزدمیر آلتان، دئوریم اربیل، یالچین گؤکچئباغ، آیدین آیان، یالچین کارایاغیز، ماهیر گوون، رسول آیتمور، گوربوز دوغان، گول ولی کایا، زاهیت بویوک ایشله ین، تیمور رضایئو، رحیم ممدوو، فایق آغایئو، راسیم ناظیروو، زیاد سلطانوو، مظاهیر افشار، سید روستم، لطافت ممدووا، الهام انور اوغلو، شاهین ممدوو، آسیم رسول اوغلو و دیگرلری ایشتیراک ائدیرلر.

آکسیا نوامبرین 22-دک داوام ائده‌جک.