ت.ر.ت رادیو گونونو دینلییجیلریله بیرلیکده قئید ائتدی
تورکیه رادیوسونون 93 ایللیک کؤکلو کئچمیشیندن گوج آلاراق اؤلکهنین سسینی دونیایا دویورماغا داوام ائدن تورکیه رادیو تلویزیون قورومو – ت.ر.ت 6 می رادیو گونونو دینلییجیلریله بیرلیکده قئید ائتدی.
تورکیه رادیوسونون 93 ایللیک کؤکلو کئچمیشیندن گوج آلاراق اؤلکهنین سسینی دونیایا دویورماغا داوام ائدن تورکیه رادیو تلویزیون قورومو – ت.ر.ت 6 می رادیو گونونو دینلییجیلریله بیرلیکده قئید ائتدی.
تورکیه-ده ایلک رسمی رادیو یاییمی اولان ت.ر.ت رادیوسو 6 می 1927-جی ایلدن ائفیره باشلاییب. 2009-جی ایلدن اعتباراً ت.ر.ت رادیو گونلری تدبیرلریله گئنیش شکیلده قئید اولونوردو. بو ایل ایسه کرونا ویروسونا گؤره لغو ائدیلیب.
ت.ر.ت رادیو دپارتامنتینین باشچیلیغی ایله ت.ر.ت رادیو یاییملاری 93-جو ایلدؤنومو موناسیبتیله پروقراملارینی ائولردن دینلییجیلرینه چاتدیردی. ت.ر.ت رادیوسو صنعتچی لری ت.ر.ت ایستانبول حزین موسیقی و جاز اورکسترینین موشایعتی ایله ائولریندن مینی کنسرتلر وئردی، "ائوده قال" چاغیریشینی تکرارلادی، "ائوده حیات وار" مئساژینی پایلاشدی، رادیو ایله دینلییجیلری آراسینداکی علاقهنین هئچ بیر وضعیتده پوزولمایاجاغینی گؤستردی.
قئید ائدک کی، ت.ر.ت رادیوسو تورکیه-ده ایلک رادیو اولاراق 6 می 1927-جی ایلدن ایستانبولون سیرکئجی بولگه سینده کی بویوک پست خانانین ایستودیویا چئوریلن دام قاتیندان دویولان ایلک آنونس ایله باشلاییب و 1964-جو ایلده قورولاجاق ت.ر.ت تلویزیونونون تملی اولوب. بو گون ت.ر.ت رادیوسو 93 ایللیک کؤکلو تاریخیندن گوج آلاراق دؤولت سیاستی و پرینسیپلرینی رهبر توتور، دینلییجی، تاماشاچی ذوقونو اوخشاییر، قاباقجیل رولونو اویناماغا داوام ائدیر.