نوبل باریش اؤدولو صاحبی بللی اولدو
آنلاشما، دایانیشما و سوسیال عدالته اؤن آیاق اولماغا چالیشدیغی قید اولوندو
نوبل باریش اؤدولو بو ایل "اریتره ایله سرحد چاتیشما‌سینی حل ائتمک‌ده قرارلی گیریشیمی، اولوسلارآراسی امکداشلیق و باریشین الده ائدیلمه‌سین‌ده‌کی چابالاری" ندنی ایله اتیوپی باشباخانی آبی احمد علی‌یه وئریلدی.
نروژ نوبل کمیته‌سین‌دن وئریله‌ن آچیقلامادا، ۲۰۱۹ نوبل باریش اؤدولونون صاحبی آبی احمد علی‌نین، اریتره پرزیدنتی ایسایاس آفورکی ایله یاخین ایش بیرلیگی ایچین‌ده اتیوپی و اریتره آراسین‌دا اوزون مدت‌دیر داوام ائد‌ن آچمازی سونا چاتدیرماق اوچون بیر باریش آنلاشماسینین پرنسیپلرینی سرعت‌لی بیچیمده شکیللندیردیگی، عزملی گیریشیمی، اولوسلارآراسی امکداشلیق و باریشین الده ائدیلمه‌سین‌ده‌کی چابالاری ندنی ایله بو اؤدوله لاییق گؤرولدویو بیلدیریلدی.
آچیقلامادا، علی‌نین چابالارینین تشویق ائدیلمه‌سی لازیم اولدوغونا اینانیلدیغی، اؤدولون باریش و آنلاشما قونوسون‌داکی اؤنملی چالیشماسین‌دا اتیوپی باشباخانینی گوجله‌ندیرمه‌سینین اومود ائدیلدیگی ایفاده ائدیلدی.
علی‌نین اتیوپیده ده بیر چوخ وطنداشا داها پارلاق گله‌جک و یاخشی حیات اومودو وئره‌ن اؤنملی اصلاحاتلارا ایمضا آتدیغی بیلدیریله‌ن آچیقلامادا، باشباخان اولاراق تفاهم، دایانیشما و سوسیال عدالته اؤن آیاق اولماغا چالیشدیغی قید اولوندو.
