بوداپست‌ده تورک دونیاسی ماهنیلاری
قازاقیستان قیزیل اوردو اورکستری ائشلیگینده قازاقیستان، آذربایجان، قیرقیزستان و تورکیه موسیقی‌چیلردن عبارت اورکسترین کونسرتی اولدو
ماجاریستانین باشکندی بوداپست‌ده دونن تورک دونیاسی ماهنیلاری کونسرتی وئریلدی.
اولوسلارآراسی تورک مدنیتی تشکیلاتی (تورکسوی)، تورکیه‌نین بوداپست ائلچیلیگی و یونوس امره انستیتوسونون باشکند بوداپست‌ده‌کی دونا پالوتا بیناسین‌دا گئچیریلن، قازاقیستان قیزیل اوردو اورکستری ائشلیگینده قازاقیستان، آذربایجان، قیرقیزستان و تورکیه موسیقی‌چیلردن عبارت اورکسترین کونسرتین‌ده ماجار صنعت‌سئورلر جدی ماراق گؤستردی.
تورکسوی باش یازمانی پروفسور دوسن کاسینوو، کونسرت اؤنجه‌سی چیخیشین‌دا، اورکسترده تورکیه، آذربایجان، قازاقیستان و قیرقیزیستان‌دان صنعتچیلرین یئر آلدیغینی و ماجار صنعتچیلرین ده ایشتیراک ائتمه‌سینی دیله‌دیکلرینی دئدی.
کاسینوو، تورکسوی اولاراق ماجاریستان‌دا ایلک دفعه پروگرام حیاتا گئچیردیکلرینی و بون‌دان بؤیوک موتلولوق دویدوقلارینی ایفاده ائتدی.
یونوس امره انستیتوسو باشقانی پروفسور دکتر شرف آتش ده، یونوس امره انستیتوسونون بوداپست‌ده گئچیردیگی پروگراملارلا تورک و ماجار خالقینی یاخینلاشدیرماغا چالیشدیقلارینی، بو تدبیرده تورک خالقلارینین صنعتچیلرینی ماجارلارلا بولوشدورماق‌دان سئوینج دویدوقلارینی قید ائتدی.
تدبیره تورکیه‌نین بوداپست ائلچیسی احمد عاکیف اوختای و ماجاریستان تورک ایشلری افیسینین باشقانی ائلچی یانوس هوواری ایله یاناشی، آذربایجان و قازاقیستانین بوداپست ائلچیلری ده ایشتیراک ائتدی.
