۵ مین ایللیک قیز اوشاغی اسکلتی تاپیلدی
ایران‌لی بیر قازی قروپونون ۵ مین ایللیک قیز اوشاغی اسکلتی تاپدیغی بیلدیریلدی
ایرانین قوزئیینده ائدیله‌ن قازی‌دا تخمیناً ۵ مین ایللیک قیز اوشاغی اسکلتی تاپیلدی.
ایران‌لی اؤیرنجیلر خبر آژانسی ایسنا، مازندران ایالتین‌ده ایران‌لی بیر قازی قروپونون ۵ مین ایللیک قیز اوشاغی اسکلتی تاپدیغینی بیلدیردی.
آرکئولوژی قروپونون باشقانی محمد فاضلی، "مازندران ایالتینین بابل شهرین‌ده ائتدیگیمیز قازی ایشلری نتیجه‌سین‌ده بوینون‌دا صدف و داش‌دان دوزلدیلمیش بزک اشیالارینین اولدوغو ۱۳-۱۴ یاشلارین‌دا بیر قیز اوشاغینین اسکلتینی تاپدیق.
"اسکلتین ۳ ایله ۵ مین ایل اؤنجه‌یه عاید اولدوغونو دوشونوروک" دئدی.
فاضلی، مازندران‌داکی قازی ایشلرینه داوام ائد‌جکلرینی ایفاده ائتدی.
بؤلگه‌ده یئر آلتی خزینه‌لری آختارانلارین دا ایجازه‌سیز قازی ائتدیگینی خاطیرلادان فاضلی، بو وضعیتین ایشلرینی چتینلشدیردیگینی وورغولادی.
ایران‌داکی ایلک آرکئولوژیک قازیلار ۱۸۵۰ده آوروپالیلارین لیدئرلیگین‌ده شوشدا گرچکلشدیریلمیشدی.
ایران بو تاریخلرده بوتون آرکئولوژی قازی ایجازه‌لرینی فرانسالی آراشدیرماچیلارا وئرمیشدی.
ایران‌دا آرکئولوژی ساحه‌سین‌ده ایلک یئرلی چالیشمالار ایسه ۱۹۳۷.جی ایلده تهران اونیورسیته‌سینین و ایران باستان موزه‌سی بنیه‌سین‌ده باشلامیشدی.
