مینلرجه ایرانلی هتللری دولدوردو
یاز تعطیلینین سون گونلرینی و عاشورا گونو تعطیلینی تورکیهده دگرلندیرمک ایستهیهن چوخ ساییدا ایرانلی، وانی ترجیح ائتدی
ایراندا بیر گونلوک عاشورا گونو و یاز تعطیلینین سون هفتهسینی واندا گئچیرمک ایستهیهن مینلرجه ایرانلی، هتللری دولدوردو.
یاز تعطیلینین سون گونلرینی و عاشورا گونو تعطیلینی تورکیهده دگرلندیرمک ایستهیهن چوخ ساییدا ایرانلی، ایران ایله ان اوزون سرحده صاحب وانی ترجیح ائتدی.
تعطیل اوچون تورکیهنی سئچن توریستلر، جاده ایله وانین سارای ائلچهسیندکی قاپیکؤی سرحد قاپیسیندان اؤلکهیه گیردی.
هتللرده دولولوق نیسبتینین یوزده یوزه چاتدیغی واندا ایرانلی توریستلر، گوندوزلر شهرین طبیعی و توریستیک یئرلرینی گزرکن، آخشام ساعاتلاریندا ده آلیش وئریش ائدیب ایلهنجه مکانلاریندا واخت گئچیریر.
ایرانلیلار، دؤرد بیر یانی ایشیقلارلا رنکلهندیریلهن کوچهلرده فارسجا آنونسلارلا محصوللارینی تانیدان شهر اصنافینا بؤیوک ماراق گؤستردی.
ایرانلی لیلا جعفری، هر تعطیل دؤورونده حیات یولداشی و اوشاقلاری ایله وانا گلدیگینی سؤیلهیهرک، "بو شهرین اینسانلاری چوخ قوناق سئور. عمومیتله، الکترونیک اشیا و پالتار آلیش وئریشی اوچون گلیریک. وان گؤلو و آکدامار آداسینی چوخ بیهنیریک. بورالارداکی تورلارا دا قوشولاراق گزیریک" دئدی.
ایلگیلیلی خبرلر
برنارد هیل حیاتینی ایتیردی
اینگیلیس آکتورون اؤلوم خبرینین آردیندان سئوهنلری سوسیال مئدیادا کدرلرینی پایلاشدی