عزت‌الله انتظامی وفات ائتدی
انتظامی، تهران‌داکی باهنر خسته‌خاناسین‌دا سحره قارشی حیاتا گؤزلرینی یومدو
ایرانین مشهور تاتر و سینما اویونچوسو، "بای اویونچو" لقب‌لی عزت‌الله انتظامی بو سحر تهران‌دا ۹۴ یاشین‌دا حیاتینی ایتیردی.
ایسنانین خبرینه گؤره، انتظامی، تهران‌داکی باهنر خسته‌خاناسین‌دا سحره قارشی حیاتا گؤزلرینی یومدو.
گئچن ایل ایسنایا وئردیگی موصاحیبه‌ده انتظامی، بئل آغریلارییلا موباریزه ائتدیگینی و حرکت ائتمک‌ده چتین‌لیک چکدیگینی سؤیلمیشدی.
انتظامی، ۱۹۲۴ده تهران‌دا آنادان اولدو. هنر تحصیلینی تهران اونیورسیته‌سینین گؤزل صنعتلر فاکولته‌سین‌ده تاماملایان انتظامی، ۱۹۵۱ده آلمانیایا گئتدی. آلمانیادا دا تحصیلینی آرا وئرمه‌دن داوام ائتدیره‌ن انتظامی، ۱۹۵۸ده ایرانا قاییتدی.
"بای اویونچو" لقب‌لی انتظامی، ۹۴ ایللیک حیاتینا بیر چوخ فیلم و تاتر اویونو سیغیشدیردی.
انتظامی پوستچی، اینک، حاجی واشینگتون، ناصرالدین شاه، سو اوزرین‌ده‌کی ائو، یاشیل اود، گؤی ایپک یولو، ۴۰ یاش کیمی سینما فیلملرین‌ده رول آلدی.
ایلگیلی‌لی خبرلر
ایزمیر لیمانیندا ایکی کروز گمیسی دمیر (لنگر) سالیب
2024-جو ایلده تورکیه لیمانلارینا 2 میلیوندان چوخ توریست گؤزلنیر
