ان چوخ ایران‌دان گلدی
تورکیه‌یه، آوریل آییندا ۲ میلیون ۶۵۵ مین ۵۶۱ توریست گلدی
تورکیه‌یه ۲۰۱۸.جی ایلین ژانویه-آوریل آیلاری دؤنمینده گلن توریست ساییسی، ۲۰۱۷ ایلینین عینی دؤورونه نیسبتا یوزده ۳۲،۵۵ آرتدی.
کولتور و توریزم باخانلیغین‌دان وئریلن یازی‌لی آچیقلامایا گؤره، سرحد گیریش-چیخیش رقملری، توریزم‌ده رکوردلارین آوریل آییندا دا داوام ائتدیگینی گؤستردی.
تورکیه، خاریجی قوناق ساییسین‌دا ۲۰۱۸.جی ایلین ژانویه-آوریل آیلاری دؤورون‌ده ۲۰۱۷.جی ایلین عینی دؤورونه گؤره یوزده ۳۲،۵۵، آوریل آییندا ایسه ۲۰۱۷.جی ایلین عینی آیینا گؤره یوزده ۲۸،۲۷ آرتیش نستینه چاتدی.
ایلین ایلک ۴ آیلیق بؤلومون‌ده ۷ میلیون ۷۸۳ مین ۹۶۷ توریست آغیرلایان تورکیه‌یه، آوریل آییندا ۲ میلیون ۶۵۵ مین ۵۶۱ توریست گلدی.
تورکیه‌یه ژانویه-آوریل دؤورون‌ده گلن توریستلرین یوزده ۹۹،۶سی، آوریل آییندا گلنلرین ایسه ۹۹،۴۳و توریستیک آماجلا گلدی.
۲۰۱۸.جی ایلین ژانویه-آوریل آیلاری دؤورون‌ده تورکیه‌یه ان چوخ توریستین گلدیگی اؤلکه ۸۵۸ مین ۱۷ نفرله ایران اولدو.
ایرانی ۶۷۱ مین ۶۶۵ نفر آلمانیا، ۶۵۱ مین ۲۲۸ نفرله گورجوستان تعقیب ائتدی.
آوریل آییندا ایسه ۲۹۲ مین ۷۲۰ قوناق ساییسیلا روسیا، تورکیه‌یه ان چوخ توریستین گلدیگی اؤلکه اولدو.
آوریل آییندا،روسیانی ۲۵۴ مین ۸۶۳ نفر آلمانیا، ۲۰۲ مین ۲۶ نفرله بولقاریستان ایزله‌دی.
