ایرانلی توریستلر هالای ایله قارشیلاندی
بو ایل دؤردونجوسو دوزنلنن "شاپینگ فئست" چرچیوه‌سین‌ده باشلادیلان ائندیریم گونلری و ایله‌نجه‌لر داوام ائدیر
وان بؤیوک‌شهر بلدیه‌سی، قاپی‌کؤی سرحد قاپی‌سین‌دان گئچن ایرانلی توریستلری قر‌نفیل و هالایلارلا قارشیلایاراق، آش و لوکوم وئردی.
وان والیلیگینین حمایه‌سینده بو ایل دؤردونجوسو دوزنلنن "شاپینگ فئست" چرچیوه‌سین‌ده باشلادیلان ائندیریم گونلری و ایله‌نجه‌لر داوام ائدیر.
شهرده بؤیوک هیجان دوغوران فستیوال چرچیوه‌سین‌ده، ۱۳ گونلوک بایرام تعطیللرینی گئچیرمک اوچون قاپی‌کؤی سرحد قاپی‌سینا گئدن ایرانلی توریستلر، قر‌نفیل و هالایلارلا قارشیلاندی.
بؤیوک‌شهر بلدیه‌سی مدنیت و سوسیال ایشلر ایداره‌سی ایله ساغلیق و سوسیال خیدمتلر اداره‌سی باشقانلیقلاری طرفین‌دن، سرحد قاپیسین‌دا جوشغویلا ایله قارشیلانان ایرانلی توریستلره ایستی آش و لوکوم وئریلدی.
تورکیه‌یه آددیم آتدیقلاری آندا قارشیلاشدیقلاری منظره‌یه حیران قالان ایرانلی توریستلر، اونلارا گؤستریلن ایلگییه گؤره تشکر ائد‌رک فولکلور اکیبی ایله هالای چکدی.
قارشیلاما و قوناق‌سئورلیک اوچون بلدیه امکداشلارینا تشکر ائد‌ن توریستلر، وانی و تورکیه‌نی چوخ سئودیکلرینی ایفاده ائتدی.
