تورک دیلی امتحانی صاباح 35 اؤلکه‌ده کئچیریله‌جک
خاریجی وطنداش‌لار اوچون نظرده توتولان تورک دیلی امتحانی صاباح 35 اؤلکه‌ده عمومی لیکده 41 منطقه‌ده هم زمان کئچیریله‌جک.
خاریجی وطنداش‌لار اوچون نظرده توتولان تورک دیلی امتحانی صاباح 35 اؤلکه‌ده عمومی لیکده 41 منطقه‌ده هم زمان کئچیریله‌جک.
یونوس امره انستیتوسونون آچیقلاماسینا اساساً، ایکی مرحله‌ده کئچیریله‌جک امتحانین بیرینجی حیصه‌سینده اوخوما، دینلمه و یازما، ایکینجی حیصه‌ده ایسه دانیشماق باجاریغی اؤلچوله‌جک.
تورک دیلینی هانسی سویه‌ده بیلدیک‌لرینه دایر سند آلماق ایسته‌ین خاریجیلرین قاتیلدیغی امتحاندا اوغورلو اولان‌لارا امتیازلارینا گؤره B2، C1 ، C2 سویه‌لرینده گواهی وئریله‌جک.
تورک دیلیم یئترلی‌دیر(Türkçe Yeterlik Sınavı) امتحانیندان سونرا اوغورلو اولان طلبه‌لر آلدیغی گواهی ایله تورکیه-ده کی هر هانسی اونیورسیته مراجعت ائتدیگینده، بیر ایل حاضیرلیق کورسو اوخوما‌دان بیرباشا تحصیل آلا بیلیرلر.
گواهی سی اولان‌لارا اؤز اؤلکه‌لرینده اولوسلار آراسی ساحه‌ده فعالیت گؤسترن شیرکت‌لرده ایشلمک ایسته‌دیک‌لرینده، همچنین تورک دیلینده ترجومه ایشیله مشغول اولماق یاخود دا اؤلکه خاریجینده تورکجه دیلینی اؤیرتمک ایسته‌ین معلم‌لره ده ایش مراجعت‌لرینده اوستونلوک تامین ائدیر.
امتحان نتیجه‌لری ژانویه نین 26-دا اعلان ائدیله‌جک.
تورک دیلی امتحانی ایل عرضینده ایکینجی دفعه مایین 5-ده کئچیریله‌جک، بونون اوچون مارتین 19-دک مراجعت ائتمک مومکون اولا‌جاق.
امتحان اوچون مراجعت ائتمک ایسته‌ین‌لر "tys.yee.org.tr" آدرسیندن اطراف‌لی معلومات الده ائدیله بیلر.
