4 مین ایللیک مزار حیطی تاپیلدی

مصرین لوکسور شهرین‌دکی ذراع ابو النجا قازی ساحه‌سینده 4 مین ایللیک مزار حیطی تاپیلدی.

ایسپانیا اولوسال آراشدیرما شوراسی، داها اؤنجه وارلیغی یالنیز ایکونالارداکی تصویرلردن بیلینن مزار باغچا‌لاری‌نین بیر نومونه‌سی‌نین ایلک دفعه مصردکی قازی‌لاردا گون ایشیغینا چیخاریلدیغینی آچیقلادی.

پروفسور دکتر خوزه مانوئل گالان لیدئرلیگین‌دکی قروپ، میلاددان اؤنجه 2000 ایللرین‌دن قالما قالیق‌لارین، مصرده یوخاری و آشاغی نیل پادشاه‌لیق‌لاری‌نین ایلک دفعه تب مرکزلی بیرلشمیش بیر کراللیغا چئوریلدیگی 12.جی خاندان دؤورونه عاید اولدوغونو تعیین ائتدی.

قایا ایچینه اویولوموش بیر مزارین گیریشینده یئر آلان اوچ متره ایکی مترلیک حیط، 30 سانتیمتر مربعلیک قفس‌لی بؤلمه‌لردن اولوشور و هر بیر بؤلمه‌یه مزاردا یاتا‌جاق شخصین وصیتی اوزرینه، سمبولیک معناسی اولان آغاج و بیتکی‌لر اکیلمیش.

اسکی مصر اویقارلیغیندا مزار و قبریستان‌لارین حیاتی و اؤلومو آنلاملاندیرمان آراچی اولدوغونو بیلدیرن گالان،

"بورا‌داکی تاپقی‌لار، بیزه یالنیز دینی اینانج و آیین‌لره باغلی معلومات وئرمکله قالمایا‌جاق، عینی زاماندا گونده‌لیک حیات، فیزیکی چئوره و حتی ایقلیمه دایر آیرینتی‌لاری کشف ائتممیزه ده ایمکان ساغلایاجاق" دئدی.

مزار حیطی‌نین یانیندا قایا مزارینا بیتیشیک کیچیک بیر کرپیج دعا بؤلمه‌سی ده گون ایشیغینا چیخاریلدی.

بو بؤلمه‌نین تاریخ اولا‌راق داها سونرایا، میلاددان اؤنجه تخمینا 1800.جو ایللره یعنی 13.جو خاندان دؤورونه عاید اولدوغو ایفاده ائدیلیر.