روس توریست‌لر 'یئنی‌دن تورکیه' دئدی
ارکن رزرواسیون ساتیش‌لاری‌نین یوزده 50سی تورکیه‌یه ائدیلدی
روسیادا، ارکن رزرواسیون تعطیل ساتیش‌لاری‌نین یوزده 50سی‌نین تورکیه‌یه عاید اولدوغو بیلدیریلدی.
روسیا تور شرکتلری بیرلیگی طرفین‌دن وئریلن آچیقلامادا، اؤلکه‌دکی تور شرکتلری و آژانس‌لاری قیمتلندیرمه‌لرینه گؤره، ارکن رزرواسیون ساتیش‌لاری‌نین یوزده 50سی‌نین تورکیه‌یه ائدیلدیگی ایفاده ائدیلدی.
تورکیه‌یه ارکن رزرواسیون‌لاری، اؤتن ایلین سپتامبر آییندا باشلادیغی‌نین یازیلدیغی آچیقلامادا، "روس توریست‌لر، تورکیه‌نی اؤزله‌دی. وطنداش‌لار ارکن رزرواسیونلا ائندیریم‌لردن ده فایدالانماق ایسته‌ییر" دگرلندیرمه‌سینه یئر وئریلدی.
آچیقلامادا، روس روبلونون سون دؤورده دگر قازانماسی و تورکیه‌دکی هتل‌لرین اؤنم‌لی ائندیریملر ائتمه‌سی سایه‌سینده، تورکیه‌نین ارکن رزرواسیوندا روس‌لارین ایلک تعطیل سئچه‌نگی اولدوغو قید ائدیلدی.
تورکیه‌ده تعطیله طلبین، 2015.جی ایله گؤره ایکی قات آرتدیغی‌نین ایفاده ائدیلدیگی آچیقلامادا، یونانیستان، بولقاریستان، ایسپانیا و روسیانین دیگر شهرلری‌نین، تعطیل طلبی‌نین دیگر یوزده 50سینی میدانا گتیردیگی ایفاده ائدیلدی.
روس‌لار اوچون تورکیه‌دکی ان گؤزده تعطیل یئرلری‌نین یئنه آلانیا، سیده و کمر اولدوغو ایفاده ائدیلرکن، بو بؤلگه‌لردکی بعضی هتل‌لرده ائندیریم‌لرین یوزده 50یه قدر یوکسلدیگینه ایشاره ائدیلدی.
