اؤیرنجی‌لردن "ترورسوز بیر دونیا" کلیبی
' گله‌جک بیزیک' دئین گنج‌لر، ترورون بیر سونراکی قوربانی اولمایا‌جاق‌لارینی آنلاتدی
اسکی‌شهیر عثمان‌غازی اونیورسیته‌سینده ائییتیم گؤرن تورک و خاریجی طلبه‌لر، 30 دیلده حاضیرلادیق‌لاری "ترورسوز بیر دونیا" آدلی کلیپده، ترورون اولمادیغی بیر دونیا ایسته‌دی.
اونیورسیته‌دن وئریلن آچیقلامایا گؤره، دیپلوماسی و مدل بیرلشمیش میلت‌لر اؤیرنجی کلوبو (دیپلومون) لیدئرلیگینده حاضرلانان کلیپین یؤنتمنلیگینی فن ادبیات فاکولته‌سی تورک دیلی و ادبیاتی اؤیرنجیسی جمال چیلدیر، قورغوسونو ایسه احمد آیدین ائتدی.
کلیپده، دونیانین ان اؤنم‌لی پروبلئمی حالینا گلن ترورا قارشی سس‌لرینی یوکسلدن گنج‌لرین 30 فرق‌لی دیل‌دکی دانیشما‌لاری و ایشاره دیلی ایله مئساژلاری، تورکجه و اینگیلیزجه آلت یازی ایله یایینلاندی.
گنج‌لر، گرچکلشدیرمک ایستدیک‌لری خیال‌لارا ترورون مانع اولماسینا ایجازه وئرمه‌یه‌جک‌لرینی، اینسانلیغا قارشی بیر تهدید میدانا گتیرن شدت و ترورون چؤزوم اولمادیغینی وورغولادی.
' گله‌جک بیزیک' دئین گنج‌لر، ترورون بیر سونراکی قوربانی اولمایا‌جاق‌لارینی آنلاتدی.
رئکتورو پروفسور دکتر حسن گؤنن، گنج‌لرین بئله بیر گیریشیمی‌نین چوخ دگرلی اولدوغونو وورغولایا‌راق، داها یاخشی و داها گوونلی بیر گله‌جک قورماق قونوسوندا گنج‌لره گووندیک‌لرینی ایفاده ائتدی.
