خاریجی توریست ان چوخ یئمه-ایچمهیه پول خرجلهدی
تورکیهنی ایلین اوچونجو چئیرگینده (ژوئیه، آوقوست، سپتامبر) سفر ائدن خاریجیلر ان چوخ یئمه-ایچمه اوچون خرجلمه ائتدی
خاریجی توریست ان چوخ یئمه-ایچمهیه پول خرجلهدی
تورکیه ایستاتیستیک تشکیلاتی معلوماتلارینا گؤره، تورکیهیه یورد خاریجیندن بو ایلین ژوئیه- آوقوست-سپتامبر دؤورونده 2 میلیون 596 مین 802سی غوربتچی اولماقلا بیرلیکده، 12 میلیون 63 مین 311 نفر سفر ائتدی.
سؤز موضوعسو دؤورده توریزم گلیری تخمینن 8،3 میلیارد دولار اولارکن، بونون تخمینن 5،9 میلیارد دولارینی خاریجی زیارتچیلرین، 2،4 میلیارد دولارینی دا غوربتچیلر خرجلری میدانا گتیردی.
توپلام توریزم گلیرینین تخمینن 6،6 میلیارد دولاری فردی خرجلرده (یوزده 72،9)، 1،6 میلیارد دولاری پاکت تور خرجلمهلرینده (تورکیهیه قالان پای) گلدی.
تورکیهیه سفر ائدن خاریجیلرین فردی خرجلمهلرینه باخیلدیغیندا، ان چوخ خرجلمه، 1 میلیارد 131 میلیون 158 مین دولارلا یئمه ایچمهیه ائدیلدی. بونو، 754 میلیون 769 مین دولارلا یاشاییش، 714 میلیون 126 مین دولارلا بین الخالق نقلیات، 601 میلیون 317 مین دولارلا گئیهجک و آیاققابی، 435 میلیون 483 مین دولارلا نقلیات (تورکیه ایچی)، 238 میلیون 158 مین دولارلا هدیهلیک اشیا، 98 میلیون 403 مین دولارلا ساغلیق، 95 میلیون 136 مین دولارلا ایدمان، تحصیل، مدنیت خرجلری تعقیب ائتدی.
خاریجی قوناقلار ایلین اوچونجو چئیرگینده تور سرویسلری اوچون 22 میلیون 232 مین دولار، خالچا، کیلیم و بنزری شئیلر آلماق اوچون 20 میلیون 374 مین دولار خرجلمه ائتدی. دیگر خرجلرین مبلغی ده 182 میلیون 93 مین دولار اولدو.
غوربتچی ده یئددی ایچدی
ایلین اوچونجو دؤورونده تورکیهیه سفر ائدن غوربتچیلر الده ائدیلن توریزم گلیرینین ده یوزده 98،5ی فردی خرجلرده، یوزده 1،5ی ده پاکت تور خرجلمهلرینده میدانا گلدی.
سؤز موضوعسو دؤورده غوربتچیلر، یئمه-ایچمه اوچون 749 میلیون 732 مین دولار، اولوسلار آراسی نقلیات اوچون 476 میلیون 168 مین دولار، گئیهجک و آیاققابی اوچون 290 میلیون 207 مین دولار، نقلیات (تورکیه ایچی) اوچون 300 میلیون 227 مین دوللار، یاشاییش اوچون 131 میلیون 191 مین دولار، هدیهلیک اشیا اوچون 91 میلیون 918 مین دوللار، ساغلیق اوچون 63 میلیون 549 مین دولار، ایدمان، تحصیل، مدنیت اوچون 43 میلیون 406 مین دولار خرجلمه ائتدی.