نابی آوجی "16. عصرین داهیسی ماتراکچی ناسوه سرگیسی"نین پاریسدکی آچیلیشینی ائتدی
تورکیه مدنیت و توریزم ناظیری نابی آوجی، عثمانلی صنعتکاری ماتراکچی ناسوهون شاعر، خطاط و نقاش یؤنلرینی ایضاح ائدن "16. عصرین داهیسی ماتراکچی ناسوه سرگیسی"نین فرانسانین باشکندی پاریسدکی آچیلیشینی ائتدی
تورکیه مدنیت و توریزم ناظیری نابی آوجی، عثمانلی صنعتکاری ماتراکچی ناسوهون شاعر، خطاط و نقاش یؤنلرینی ایضاح ائدن "16. عصرین داهیسی ماتراکچی ناسوه سرگیسی"نین فرانسانین باشکندی پاریسدکی آچیلیشینی ائتدی.
بیرلشمیش میلتلر تشکیلاتینین تحصیل، علم و مدنیت تشکیلاتی (یونسکو) عمومی مرکزیندکی سرگینی یونسکونون باش دیرکتورو ایرینا بوکووا ایله آچان آوجی، تورک صنعت و مدنیتین بنزرسیز اهمیته صاحب ایشلرینی پاریسده نظره تقدیم ائتدیکلرینی سؤیلهدی.
ایکی گون اوّل "مدنیتلر آراسی موزایک یولو کشف پروژهسی"نی گؤرمه فورصتینی توتدوقلارینی ایفاده ائدن اووچو، بو گون ده آوراسیا محورینده 16. عصرده عثمانلی ایمپراتورلوغوندا یاشامیش ماتراکچی ناسوهون چوخ-بؤلگهلی، چوخ مدنی صنعت، خطاطلیق و شاعرلیک یؤنلرینه شاهیدلیک ائدیلهجگینی ایضاح ائتدی.
اووچو، ماتراکچی ناسوهون تاریخین گیزلی قالمیش استعدادلاریندان بیری اولدوغونا دقتی چکهرک،
"16. عصرده یاشامیش مشهور بیر عثمانلی فیلوسوفو، ریاضیاتچیسی و تاریخچیسی اولان ماتراکچی ناسوه، عینی زاماندا ایدمانچی، شاعر، صنعتچی، رسام، خطاط و مینیاتور صنعتچیسی شخصیتی ایله ده روشدونو اثبات ائتمیش اهمیتلی بیر علم و صنعت اینسانیدیر." ایفادهلرینی ایستیفاده ائتدی.
تورک مدنیتینین زنگینلیگینه ایشاره ائدن ایرینا بوکووا دا، ماتراکچی ناسوهون چوخ یؤنلری بیر صنعتچی اولدوغونو وورغولادی و یاشادیغی دؤوره ایشیق توتدوغونو قید ائتدی.
41 چینی و تابلودان عبارت سرگی، دسامبر آییندا واشینگتونداکی "ایسلام اثرلری موزهسی"نده سرگیلنهجک.
ماتراکچی ناسوه، اؤلومونون 450. ایلی سببیندن 2013-جی ایلده یونسکو طرفیندن "خاطیرلاما و قوتلاما ایلدؤنوملری" چرچیوهسینه آلینمیشدی.