53. اولوسلار آراسی آنتالیا فیلم فستیوا‌لی "ان یاخشی فیلم" اؤدولو "ماوی بیسیکلت" فیلمینه وئریلدی
53. اولوسلار آراسی آنتالیا فیلم فستیوا‌لی، "قیزیل پورتاغال" اؤدول مراسیمیله سونا چاتدی
53. اولوسلار آراسی آنتالیا فیلم فستیوا‌لی میلی موسابیقه بؤلومونده "ان یاخشی فیلم" اؤدولو ت.ر.ت اورتاق یاپیمی "ماوی بیسیکلت" فیلمینه وئریلدی.
53. اولوسلار آراسی آنتالیا فیلم فستیوا‌لی، "قیزیل پورتاغال" اؤدول مراسیمیله سونا چاتدی.
EXPO 2016 آنتالیا سرگی ساحه‌سینده اولان کونگره مرکزین‌دکی اؤدول مراسیمینده، "ماوی بیسیکلت"، ان یاخشی فیلم اؤدولو‌نون یانیندا ان یاخشی سناریو و ان یاخشی یؤنتمن اؤدول‌لرینی ده آلدی.
اؤدول‌لری فیلمین یؤنتمنلیغینی ائدن اومید کؤرئکن آلدی.
کؤرئکن، یاپیمدا دستگینی اسیرگمه‌ین ت.ر.ت-ه ده تشککور ائتدی.
میلی کاتقوریده تاماشاچی اؤدولو و ان یاخشی موسیقی اؤدولو آتامین قانادلاری فیلمینه وئریلدی.
ان یاخشی کیشی اویونچو دا یئنه بو فیلمده رول آلان مندرس سامانجیلارین اولدو.
"من بو اؤدولو، اوشاق‌لاری ساحل‌لره وورموش، اؤلکه‌سی پارچالانمیش سوریه‌لی دوست‌لاریم اوچون قال‌دیریرام." دئین سامانجیلارین، مساژی هر کسی دویقولاندیردی.
اولوسلار آراسی موسابیقه فیلملری کاتقوریسینده ان یاخشی فیلم و ان یاخشی یؤنتمن اؤدول‌لرینه "ترددود" فیلمی لاییق گؤرولدو.
یئنه بو فیلمده اوینایان عجم اوزون هم اولوسلار آراسی، هم ده میلی کاتقوریده ان یاخشی قادین اویونچو اؤدولونو آلدی.
بو کاتقوریده تاماشاچی اؤدولو و ان یاخشی سناریو اؤدول‌لری "آچیق قاپی" یاپیمینا وئریلدی.
48 قووشاغی آدلی یاپیم ایسه تامر نافار ایله ان یاخشی کیشی اویونچو اؤدولونو و ان یاخشی موسیقی اؤدولونو آلدی.
گئجه‌ده حیات بویو باشاری اؤدول‌لری، سومر تیلماچ دستک اؤدولو و مونصیف اؤزل اؤدول‌لری ده صاحب‌لرینه وئریلدی.
