15 ژوئیه‌ده کودتا گیریشیمی زامانی یاشانان‌لاری یانسیدان فوتوشکیل سرگیسی، آوروپا شوراسیندا آچیلدی
چاووش اوغلو آوروپا شوراسی‌نین باش کاتیبی توربیان یاگلان و آوروپا شوراسی پارلامنت مجلیسی صدری پدرو آگرامونت ایله بیرلیکده فوتوشکیل سرگی‌سی‌نین رسمی آچیلیشینی ائتدی.
آنادولو آانسی (آا) موخبیرلری‌نین دوربین‌یندن، فتح الله‌چی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیه‌ده کودتا گیریشیمی زامانی یاشانان‌لاری یانسیدان فوتوشکیل سرگیسی، آوروپا شوراسیندا آچیلدی.
تورکیه خاریجی ایشلر ناظیری مولوت چاووش اوغلو، استراسبورگدا آوروپا شوراسی پارلامنت مجلیسی‌نین (AKPM) باش مجلیسینه خیطاب ائتدیک‌دن سونرا آوروپا شوراسی‌نین باش کاتیبی توربیان یاگلان و آوروپا شوراسی پارلامنترلر مجلیسی صدری پدرو آگرامونت ایله بیرلیکده فوتوشکیل سرگی‌سی‌نین رسمی آچیلیشینی ائتدی.
ناظیر چاووش اوغلو، تورکیه‌ده 15 ژوئیه‌ده یاشانان‌لارین داها یاخشی باشا دوشولمه‌سی اوچون بو سرگی‌نین آچیلدیغینی قید ائده‌رک
"15 ژوئیه گئجه‌سی تورک خالقی طرفین‌دن یازیلان گؤرونتو‌لری ایزلمنیزی توصیه ائدیرم. من بعضی ویدئولارا باخماقدا چتین‌لیک چکیرم. لاکین نه اولدوغونو یئرین‌دن گؤرمه‌نیز و کودتا گیریشیمی سونراسی حاقیندا دا معلومات صاحبی اولمانیز اوچون هامینیزی تورکیه‌یه دعوت ائدیرم." دئدی.
آوروپا شوراسی پارلامنترلر مجلیسی صدری پدرو آگرامونت، دموکراسی‌یه صاحب چیخان تورک خالقینا تشککور ائده‌رک، سرگی‌نین آوروپا شوراسیندا آچیلماسی‌نین اولدوقجا معنا‌لی اولدوغونو سؤیله‌دی.
آوروپا شوراسی‌نین باش کاتیبی توربیان یاگلان دا؛
"کودتاچی‌لرین باشاریلی اولسایدی، تورکیه‌نین آوروپا شوراسی عضو‌لوگو داوام ائتمزدی. عسگر، حقوقا و دولتین رهبرلیگینه صادق اولما‌لی‌دیر. تورک خالقی او گئجه جاده‌لره چیخا‌راق حقوقو ساووندو. تورک خالقی‌نین یانیندا دایانمالیییق." دئدی.
آوروپا شوراسی پارلامنت مجلیسی دؤورو عمومی قورولو مدتینده آچیق اولا‌جاق سرگیده، کودتا گیریشیمینی کرونولوژی شکیلده عکس ائتدیرن فوتوشکیل‌لر یئر آلیر. 15 ژوئیه گئجه‌سی و سونراسینی عکس ائتدیرن قیسا فیلم‌لر و گؤرونتو‌لر ده آوروپا شوراسی بیناسین‌داکی سرگیده زیارتچی‌لره گؤستریلیر.
"15 ژوئیه 2016دا تورکیه‌ده نه اولدو؟" باشلیغییلا یارادیلان سرگییه آوروپا شوراسی پارلامنترلر مجلیسی عضوو 47 اؤلکه‌نین پارلامنترلرین، آوروپا شوراسی ایشچی‌لری و اوزمانلارییلا سیویل نماینده‌لری چوخ ماراق گؤستریر.
