ایستانبول سلطان احمد میدانیندا 20 مین نفر عینی آندا ایفطار آچدی

ایستانبول سلطان احمد میدانیندا 20 مین نفر بیر آرایا گله‌رک عینی آندا ایفطار آچدی.

11  آیین سلطانی رمضان، بیرلیک و برابرلیگی تامین ائدن یؤنو ایله ده برکتینی گؤستریر.

ایستانبول فاتیح بلدیه‌سی‌نین، سلطان احمد میدانیندا تشکیل ائتدیگی ایفطار پروقرامینا وطنداش‌لار چوخ ماراق گؤستردی.

مین‌لرله نفر ایلک توپ آتیشلاری عینی آندا ایفطارینی آچدی.

ایوپ بلدیه‌سی طرفین‌دن قورولان بؤیوک ایفطار سوفره‌سینده ایسه 5 مین وطنداش بیر آرایا گلدی.

ایوپ بلدیه‌سی رمضان آیی مدتینده 28 محله‌ده قوراجاغی رمضان سوفره‌لرینده وطنداش‌لارا ایفطار وئره‌جک.

دیگر طرف‌دن، سماوی دین‌لرین نماینده‌لری، ایستانبول بئشیکتاش بلدیه‌سی اورتاکؤی میدانین‌داکی ایفطار پروقرامیندا گؤروشدو.

بئشیکتاش بلدیه باشقانی مورات هازینداری موضوعیا باغلی اولا‌راق؛

" بیرلیکده رحمت وار دئین اینانجیمیزین گره‌گی، هم ده معنویاتیمیزی بؤیوتمک معناسیندا فرق‌لی اینانج‌لارین منسوب‌لارینی سوفرا‌لاریمیزا اورتاق ائتمه‌یه، اونلارلا پایلاشماغا چالیشیریق." دئدی.

تورکیه یهودی‌لری هاهامباشی عیسی هالئوا دا؛

"بیرلیکده اوتورولابیلیر، بیرلیکده صحبت ائدیله بیلر، بیرلیکده عینی سوفره‌ده یئمک یئمه‌لی، اونون اوچون بئله تابلو‌لار امینم کی دونیایا بؤیوک بیر باریش مساژی‌دیر." ایفاده‌سینی ایستیفاده ائتدی.

ایستانبول، آنکارا، ایزمیر سوریانی قدیم جماعتی متروپولیتی و روحانی لیدری پاتریک وکیلی مور فیلوکسینوس یوسوف چتین ایسه؛ تورکیه‌نین و دونیانین بئله بیرلیکده‌لیک‌لر احتیاجی اولدوغونو سؤیله‌دی.

ایستانبول ایل موفتیسی رحمی یاران ایسه؛

"تورکیه، دونیا اوچون اهمیت‌لی بیر نومونه‌دیر. بو معنادا بو مثال بو سوفره‌ده، بو ماسادا گؤروروک." دئیه بیلدیرمیش‌دیر.

بئشیکتاش بلدیه‌سی؛ بارباروس میدانی، اورتاکؤی میدانی، عباس آغا پارکینا قوردوغو چادیرلاردا گونده 5 مین نفره ایفطار یئمگی وئره‌جک.

ایفطار ساعتینا یئتیشمینلر اوچون ده میدان‌لارا و مرکزی نقطه‌لره شوربا چشمه‌لری قورولدو.

وطنداش‌لار ایفطار وقتینی تصوّوف موسیقی‌سی دینلتی‌سی، سمازن و تئاتر گؤستری‌لرینی ایزله‌یه‌رک گؤزله‌یه‌جک.