یوروویزیون ماهنی یاریشماسیندا بایراق بحرانی

بو ایل 61ینجی‌سی تشکیل ائدیله‌جک یوروویزیون ماهنی یاریشماسیندا بایراق بحرانی ...

اوروپا یایین بیرلیگی (EBU) طرفین‌دن یایینلانان قاداغان‌لی بایراق‌لار لیسته‌سی مباحیثه یاراتدی.

کئچن هفته EBU-نون قاداغان‌لی بایراق‌لار لیسته‌سی یوروویزیون ماهنی یاریشماسین‌دان اوّل مطبوعاتا سیزدی.

لیسته، اعتراض‌لاری دا اؤزو ایله گتیردی.

بئله کی فیلیسطین، کوسووا، کریمه تاتار، قوزئی قیبریس تورک جمهوریتی و باسک بایراق‌لاری دولت بایراغی اولمادیق‌لاری سببیله یوروویزیون 2016 ماهنی مسابیقه‌سینده قاداغان ائدیلدی.

اوسته‌لیک بو اؤلکه‌لر ترور تشکیلاتی داعش‌ین بایراغییلا عینی لیسته‌ده یئر آلدی.

بیرلشمیش میللت‌لر تشکیلاتینا عضو 135 اؤلکه و سوئد طرفین‌دن تانینان فیلیسطین‌ین بایراغییلا باغلی یوروویزیون ایداره مجلیسی‌نین قرارینا اعتراض‌لار گئجیکمه‌دی.

اوست سویه بیر فیلیسطین‌لی مسئول اوروپا یایین بیرلیگی باشقانی جان پول فیلیپو 11 میلیون فیلیسطینلینی عذر دیلمه‌سی لازیم اولدوغونو سؤیله‌دی.

یوروویزیون مسئول‌لاری، اعتراض‌لار اوزرینه، لیسته‌‌نین یایینلانمایاجاغینی و هله قارالاما مرحله‌سینده اولدوغونو ادعا ائتدی.

2016  یوروویزیون ماهنی یاریشماسی سوئد-ین باشکندی ایستوکهولمدا گئچیریله جک.

قیمتلندیرمه سیستمین‌دکی عدالت‌سیزلیگی تنقید ائدن تورکیه 2013دن بری یاریشماغا قاتیلمیر.