1800 ایللیک هیکل باشی

دنیزلی‌ده 1800 ایللیک هیکل باشی تاپیلدی.
دنیزلی‌ده‌کی لائودیکیا آنتیک شهرینده داوام ائتدیریلن قازینتی ایشلرینده میلاددان سونرا 2.جی عصرین ایکینجی یاری‌سی‌نین اؤزللیک‌لرینی داشییان ایکی هیکل باشی گون اوزونه چیخاریلدی.
1800 ایللیک اولدوغو تعیین اولونان توخوما تانریسی آتنا و روما تانریسی ژانوسا عاید اولدوق‌لاری تعیین اولونان باشلار، قوروما آلتینا آلیندی.
قازینتی قروپو باشقانی پاموق قالا اونیورسیته‌سی آرکئولوژی اینستیتوسو مودورو و آرکئولوژی بؤلوم باشقانی پروفسور دکتر جلال شیمشک، اوچ آیری هیکل باشی و گونش ساعاتی‌نین دا گون اوزونه چیخاریلدیغینی سؤیله‌دی.
اینجیل‌ده آدی گئچن 7 قوتسال کیلسه‌دن بیری‌نین اولدوغو، دنیزلینین ان بؤیوک آنتیک شهری لائودیکیادا، دنیزلی بؤیوک شهر بلدیه‌سی‌نین حمایه‌سینده پاموق قالا اونیورسیته‌سی طرفین‌دن داوام ائتدیریلن قازینتی ایشلرینده بو ایل دؤرد هیکل باشی داها تاپیلدی.