"قیزیل آیی" اؤدولو تاکسی‌نین اولدو
آلمانیانین باشکندی برلینده دوزنلنن فستیوالین اؤدول‌لری، برلینال پالاست‌دا ائدیلن مراسیمله صاحب‌لرینه وئریلدی
"قیزیل آیی" اؤدولو تاکسی‌نین اولدو
65. اولوسلار آراسی برلین فیلم فستیوالیندا (Berlinale) "قیزیل آیی" اؤدولونی ایران‌لی یؤنتمن جعفر پناهی‌نین "تاکسی" آدلی فیلمی قازاندی.
آلمانیانین باشکندی برلینده دوزنلنن فستیوالین اؤدول‌لری، برلینال پالاست‌دا ائدیلن مراسیمله صاحب‌لرینه وئریلدی.
"قیزیل آیی" اؤدولونو قازانان جعفر پناهی، اؤلکه‌سین‌دن چیخماسی قاداغان اولدوغو اوچون مراسیمه قاتیلا بیلمه‌دی. ایران‌لی یؤنتمنین یئرینه اؤدولونو قارداشی اوغلو آلدی.
ژوری بؤیوک اؤدولونه پابلو لارراین‌ین یؤنتددیغی "ال کلوب- El Club" فیلمی لاییق گؤرولرکن، ان یاخشی یؤنتمن بوداغیندا گوموش آیی اؤدولونو "آفریم!" فیلمیله فستیوالا قاتیلان روما‌لی یؤنتمن رادو جود ایله "بادی" فیلمیله لهستانلی یؤنتمن مالگورزاتا زوموواسکا پای‌لاشدی.
اولوسلار آراسی منصیف، ان یاخشی کیشی اویونچو اؤدولونو " Years45 " فیلمینده اوینایان توم کوورتنایا وئررکن، ان یاخشی قادین اویونچو اؤدولونا عینی فیلمین‌دکی رولویلا شارلوت رومپلینگ لایق گؤرولدو.
ان یاخشی سناریو بؤلومونده گوموش آیی اؤدولونو " El Boton de Nacar " فیلمیله شیلی‌لی پاتریکیو گوزمن آلارکن، فستیوالین " Berlinale Shorts " آدلی قیسا متراژلی فیلم یاریشماسیندا، ان یاخشی فیلم بؤلومونده قیزیل آیی اؤدولونو، گونئی کوره‌‌لی یؤنتمن نا یوونگ کیل-ین " Hosanna " آدلی فیلمی قازاندی.
قیسا متراژلی فیلم‌لر آراسیندا منصیف اؤدولو کاتقوریسینده گوموش آیی اؤدولونو، آمریکالی یواننا آرنوو-ون "Bad at Dancing" آلدی.
برلینده 5 فوریه‌ده باشلایان 65. اولوسلار آراسی برلین فیلم فستیوالیندا 72 اؤلکه‌دن 441 فیلم گؤستریلمیش، 19 فیلم "قیزیل آیی" و "گوموش آیی" اوچون یاریشمیشدی.
