میوه صابونلاری
صابونلار، گئرچک میوه‌لردن چتین‌لیکله آییرد ائدیلیر
سارای‌لارین گؤزده‌سی، قادین‌لارین گئچیم قایناغی اولدو.
عثمانلی‌دا اؤنم‌لی بزک اشیا‌لاری آراسیندا ساییلان و پادشاه‌لارین خاریجی دؤولت آدام‌لارینا گؤندردیگی هدیه‌لرین آراسینا قویولدوغو بیلینن گؤزل قوخولو میوه صابونلاری، قادین‌لارین دولانیشیق قایناغی اولدو.
ائدیرنه‌نین یئرلی ال صنعت‌لری آراسیندا یئر آلان و گئچمیشی 19.جو عصره دایانان میوه صابونلاری‌نین اؤیردیلدیگی قوروملارا ماراق گئتدیکجه آرتیر.
کورس‌لاردا میوه صابونو یاپیمینی اؤیرنن قادین‌لار، آتلیه‌لرده ایش تاپیر یا دا ائوینده صابون یاپاراق پول قازانیر.
عثمانلی‌دا قیمت‌لی بزک اشیا‌لاری آراسیندا ساییلان، پادشاه قیزلاری‌نین جهیزلرینی بزه‌ین "میس میوه صابونلاری"، آلما، آرمود، اوزوم، شافتا‌لی، موز، چیلک، اریک، پورتاغال، قارپیز دیلیمی، هئیوا، انجیر، آلچا کیمی میوه‌لرین شکلینده یاپیلیر.
گئچمیشده تمیزلیک اوچون ده ایستیفاده ائدیلن صابونلار، ایندی داها چوخ بزک اشیاسی اولاراق دگرلندیریلیر. قوخو وئرمه‌سی اوچون اوتاق‌لارا، سالون‌لارا یا دا اشکاف‌لارا دا یئرلش‌دیریلن صابونلار، هدیه‌لیک اشیا‌لار آراسیندا دا اؤنم‌لی یئر توتور.
یاپیلان صابونلار، گئرچک میوه‌لردن چتین‌لیکله آییرد ائدیلیر.
