گوندم آنالیز: 40
سوچی راضیلاشماسیندان سونرا ادلیبده فورصت‌لر و چتین‌لیک‌لر
سون واخت‌لاردا گوندمی مشغول ائدن ادلیب مسئله‌سی‌نین سوچی‌دکی ذیروه ییغینجاغیندا قبول ائدیلن راضیلاشما نتیجه‌سینده حل ائدیلمه‌یه جهد گؤستریلمه‌سی اؤنملی بیر آددیم کیمی قارشیمیزا چیخیر. 3،5 میلیون سیویلین یاشادیغی ایدلیبی رژیمین هوجوملاریندان قوروماق و محافظه ائتمک بؤیوک اهمیت داشیییردی. تورکیه-نین جهدلری و قرارلی موضعیندن سونرا ادلیبله علاقه‌لی بوتون دونیانی ناراحات ائدن احتیمال اولونان عملیاتین قارشی‌سی آلیندی.
تورکیه و روسیا آراسیندا الده اولونان راضیلاشما اساسیندا ادلیب‌دکی جبهه خطی بویونجا 15-20 کیلومتر مرکزده سلاح‌لاردان آزاد ائدیلمیش بؤلگه‌نین یارادیلماسی قرارا آلیندی. بو چرچیوه‌ده هم موخالیفت هم ده رژیم آغیر سلاح‌لاری بؤلگه‌دن چیخارا‌جاق و ترور تشکیلات‌لاری‌نین بو بؤلگه‌دن چیخاریلاجاغی دا عینی زاماندا راضیلاشمادا اؤز یئرینی توتدو. بون‌دان علاوه لاذقیه و دمشقی حلب ایله بیرلشدیرن M4 و M5 ماشین یول‌لاری تکرار سیویل لرین ایستیفاده‌سی اوچون یئنی‌دن آچیلا‌جاق. تورکیه و روسیا سوچی-ده اهمیت‌لی بیر راضیلاشمانی ایمضالاسا دا ایکی اؤلکه‌نین راضیلاشمانین اساس‌لارینی ساحه‌ده حیاتا کئچیره بیلمه‌سی‌نین قارشی‌سینا بیر سیرا مانعه‌لر چیخا بیلر.
روسیانین مسئول اولدوغو بولگه لر اوچون ان جدی پروبلئم ایرانین دستک له دیگی شیعه میلیس‌لردیر. نتیجه‌ده ایران-ین سوچی-ده کئچیریلن ذیروه توپلانتی‌سینا قاتیلماماسی سوچی راضیلاشماسی‌نین تطبیقینده ایران مانعه‌سی‌نین اورتایا چیخماسینا سبب اولا بیلر. نه قدر ده ایران و اسد رژیمی رسمی اولا‌راق سوچی راضیلاشماسینی دستک له دیک‌لرینی بیل‌دیرسه‌لر ده هم ایرانین هم ده اسد رژیمی‌نین ادلیب اوچون داها ماکسیمالیست یاناشما ایچینده اولدوغو معلوم‌دور. روسیانین سوچی راضیلاشماسینی ساحه‌ده تطبیق ائتمه‌سی اوچون ایرانین دستک له دیگی شیعه میلیس‌لری قانع ائتمه‌سی لازیم‌دیر.
ادلیب-ده سوچی راضیلاشماسیندان سونرا رژیم بؤلگه‌لریندن موخالیفتین نظارتیندکی بؤلگه‌لره ایستیقامت‌لی آرابیر ناراحات ائدن شکیلده آتش ائدیلمه‌سی و رژیمین ادلیب جبهه خطینه ائتدیگی حربی ییغیناغی گئری چکمه‌مه‌سی روسیانین معین سویه‌ده چتین‌لیک چکدیگینی گؤسترن ایلک نتیجه‌لر کیمی قارشیمیزا چیخیر.
تورکیه باخیمیندان ایسه سوچی راضیلاشماسی‌نین ساحه‌ده تطبیق ائدیلمه‌سی‌نین قارشی‌سینداکی مانع بؤلگه‌دکی آکتورلارین تورکیه ایله آهنگ ایچینده آددیم آتیب آتمایاجاغی‌دیر. ادلیب بؤلگه‌سینده ان بؤیوک حربی گوج اولان و تورکیه طرفیندن ده دستک‌لنن میللی آزادلاشدیرما جبهه‌سی یایدیغی بیانات ایله سوچی راضیلاشماسی اوچون تورکیه ایله بیرلیکده حرکت ائتمه‌یه حاضر اولدوق‌لارینی، لاکین روسیایا، ایرانا و اسد رژیمینه اعتیماد ائتمه‌دیک‌لرینی بیلدیردی.
تورکیه جهت‌دن سوچی راضیلاشماسی‌نین حیاتا کئچیریلمه‌سی‌نین قارشی‌سینداکی محتمل انگل بؤلگه‌دکی رادیکال تشکیلات‌لاردیر. اصلینده ادلیب بؤلگه‌سیندکی رادیکال تشکیلات‌لارا ایکی اساس کاتقوری ده نظر سالماق مومکون‌دور. بیرینجی کاتقورینی هیئت تحریر الشام تک باشینا تشکیل ائتدیکده، ایکینجی کاتقوری ده ایسه بؤیوک-کیچیک دیگر رادیکال قروپ‌لار یئر توتور. هیئت تحریر الشام-ین ادلیب بؤلگه‌سینده سیویل لرین سیمپاتیسینی قازانماق اوچون ایزلدیگی سیاستی داوام ائتدیرجگی گؤزلنیلیر. همین زاماندا هیئت تحریر الشام اؤزونون ایدئولوژی منفعت‌لری ایله مولاییم موخالیفت و تورکیه آراسیندا بیر بالانس سیاستی تطبیق ائتمک اوچون جهد گؤستریر. نتیجه‌ده هیئت تحریر الشام-ین سوچی راضیلاشماسینا دایر قرارلارینی آچیقلایان بیانات یایماماسی اهمیت کسب ائدیر. سوچی راضیلاشماسی‌نین ساحه‌ده تطبیق ائدیلمه‌سی اوچون هیئت تحریر الشام سلاح‌لاردان آزاد ائدیلمیش بؤلگه نی ترک ائتمه‌سی اوچون قانع ائدیله بیلر.
لاکین هوراس اد دین کیمی داها رادیکال و بیرباشا مرکزی القاعده-یه باغلی تشکیلات‌لار ایسه سوچی راضیلاشماسینی رد ائتدیک‌لرینی آچیق شکیلده بیان ائتدی‌لر. بو باغلامدا تورکیه اؤزونه دستک اولان قروپ‌لارلا بیرلیکده بئله رادیکال تشکیلات‌لارا قارشی لازیمی آددیم‌لاری آتماق مجبوریتینده قالا بیلر.
سوریه-نین اؤنملی بیر حیسه‌سینی داعش و پ.کا.کا/ی.پ.گ کیمی ترور عنصورلاریندان تمیزله‌ین تورکیه‌نین سوچی راضیلاشماسی اساسیندا و اؤز میللی منفعت‌لری ایستیقامتینده ادلیب بؤلگه‌سینی ده اورتا و اوزون مودت عرضینده ترور عنصورلاریندان آزاد ائدجگی نظرده توتولا بیلر. تورکیه-نین ترورلا موباریزه‌سینده ادلیب سوریه-لی وطنداش‌لارین دینج شرایطده یاشاماسی اوچون یئنی بیر ساحه‌یه چئوریله بیلر.
تورکیه‌نین گوندمینه دایر تحلیل پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون " سوچی راضیلاشماسیندان سونرا ادلیبده فورصت‌لر و چتین‌لیک‌لر" باش‌لیق‌لی آنالیتیک یازی‌سینی تقدیم ائتدیک.
