گوندم آنالیز: 26
اردوغانین قلبه‌سی و تورکیه‌نین خاریجی سیاستی
تورکیه 24 ژوئن ده هم پرزیدنتینی هم ده میللت وکیل‌لرینی سئچدی. اولوسلار آراسی ایجتیمایت طرفیندن بؤیوک ماراقلا تعقیب ائدیلن نتیجه‌لرده جمهور باشقانی رجب طیب اردوغان 52،6 فایز سسله بیرینجی توردا یئنی سیستمین ایلک پرزیدنتی اولا‌راق سئچیلدیکده، عدالت و اینکیشاف پارتیسی ایله میللتچی حرکات پارتیسی‌نین قوردوغو جمهور اتفاقی مجلیس‌دکی اکثریتی الده ائتدی. تورکیه‌نین سئچکی نتیجه‌لریله یاناشی یئنی سیستمه کئچید عملی اولا‌راق رئال‌لاشدی. تورکیه‌دکی سئچکی‌لر اؤلکه داخیلینده 87 فایز سئچیجی فعال‌لیغی ایله فرقلندیکده، اولوسلار آراسی ایجتیمایت ده سئچکی‌لری یاخین‌دان تعقیب ائتدی.
تورکیه‌دکی سئچکی‌لرده اردوغانین و جمهور اتفاقی‌نین قلبه قازانماسی هم خاریجی سیاست هم ده ترورلا موباریزه اوچون "داوام" خصوصیتینده بیر نتیجه‌دیر.
سون دؤورده تورکیه خاریجی سیاستده تأثیرلی و فعال یاناشما اورتایا قویا‌راق، اؤلکه‌نین میللی منفعت‌لری ایستیقامتده چوخ شاخه‌لی یاناشما ایله حرکت ائتمیش‌دیر. بیر طرف‌دن ناتو متفیق‌لری، دیگر طرف‌دن روسیا و ایران ایله بیرلیکده ایشله‌ین تورکیه؛ همین زاماندا اورتا دوغودا، بالکان‌لاردا، آسیادا و افریقادا تأثیرلی خاریجی سیاست تعقیب ائدیر. تورکیه‌نین تأثیرلی خاریجی سیاستینی دستکله‌ین ان اؤنم‌لی فاکت‌لار آراسیندا اینسانی یاردیم و مودافعه صنایعسی اؤن پلانا چیخیر. دونیا میقیاسیندا ان بؤیوک 13-جو ایقتیصادیاتا صاحب اولان تورکیه اینسانی یاردیم ساحه‌سینده بیرینجی یئری توتور. تورکیه‌دن سونرا دونیانین ان بؤیوک ایقتیصادیاتینا صاحب آبش گلیر. تورکیه‌نین اینسانی یاردیم فعالیت‌لری اینسانا وئردیگی دیری گؤسترن ان اؤنم‌لی گؤستریجی‌لردن بیری‌دیر. دیگر طرف‌دن تورکیه‌نین مودافعه صنایع سینده آتدیغی آددیم‌لار اؤلکه‌نین خاریجی سیاست‌دکی رولونو گؤسترن اهمیت‌لی معلومات‌دیر. تورکیه‌نین پاکیستانا "آتاک" تیپی هلیکوپتر ساتماسی، کؤرفز اؤلکه‌لرینه زیره‌لی واسطه ساتا بیلمه‌سی و همین زاماندا اؤزونون اوره تدیگی سلاح‌لی و سلاح‌سیز پیلوت‌سوز اوچوش آپارات‌لارینی ساتین آلماق ایسته‌ین‌لرین اولماسی تورکیه‌نین الده ائتدیگی تکنولوژی قلبنی ده گؤستریر.
24 ژوئن سئچکی نتیجه‌لری تورکیه‌نین اینسانی یاردیم و مودافعه صنایعسی باشدا اولماقلا، خاریجی سیاست‌دکی موضعی‌نین داوام ائتمه‌سی اوچون سیقنال معناسیندا‌دیر. تورک خالقی اصلینده سوما‌لی‌لی یاردیما محتاج اینسان‌لارا ائدیلن یاردیم‌لار اوچون "داوام" دئدی.
تورکیه-ده کی سئچکی نتیجه‌لری عینی زاماندا ترورلا موباریزه اوچون بؤیوک اهمیت کسب ائدیر. "فرات قالخانی" عملیاتی ایله داعش ترور تشکیلاتی‌نین تورکیه سرحدین‌دکی موجودلوغونا سون قویماسیندان سونرا "زیتون دالی" عملیاتی ایله عفرین بؤلگه‌سی ی.پ.گ / پ.کا.کا ترور تشکیلاتین‌دان تمیزلنمیش‌دیر. عراق-دا داوام ائدن و پ.کا.کا-نین عراق-دان تورکیه‌یه قدر اولان تداروک یول‌لارینی کسن و ترور تشکیلاتی‌نین مرکزی اولان دمشق بؤلگه‌سینی تامامیله تمیزلمیی هدف گؤتورن "قطعیتلی لیک" عملیاتی‌نین سئچکی نتیجه‌لری ایله قالدیغی یئردن داوام ائدجگی سؤی‌لنه بیلر. تورکیه‌نین ترورلا موباریزه اساسینده اعلان ائتدیگی یئنی دوقتورین چرچیوه‌سینده ترور تشکیلات‌لاری ایله موباریزه تورکیه سرحدلری ایله محدود ائدیلمه‌یه‌جک و سرحددن کنارین‌داکی ترور موجودلوغو محو ائدیله‌جک. یئنی دوقتورین اساسیندا رئاللاشمیش و رئال‌لاشان 3 عملیات ایله عینی زاماندا تورکیه سرحدلری داخیلین‌دکی ترور حادثه لری بؤیوک میقیاسدا آزالدی. ترورون منبع ینده محو ائدیلمه‌سی ایله تورکیه‌دکی ترورا سون قویولماسی نظرده توتولور.
دیگر طرف‌دن تورکیه‌نین امریکا ایله معینلشدیردیگی یول خریطه‌سی چرچیوه‌سینده ی.پ.گ ترور تشکیلاتی منبیچ بؤلگه‌سینی ترک ائده‌جک و ایکی ناتو متفیقی همین بؤلگه‌ده بیرگه تهلوکه‌سیزلیگی و سیویل ایداره ائتمه‌نی تامین ائده‌جک‌لر. 24 ژوئن سئچکی‌لری اولینده قبول ائدیلن راضیلاشما چرچیوه‌سینده قوه‌ده اولان یول خریطه‌سی جمهور باشقانی رجب طیب اردوغانین بیرینجی توردا یئنی سیستمین ایلک پرزیدنتی اولا‌راق سئچیلمه‌سی نتیجه‌سینده لنگیمه‌دن داوام ائدیر. همین شکیلده سوریه-ده کی گرگین‌لیگی آزالتماق و باریش اوچون زمین حاضرلاماق مقصدیله تورکیه، روسیا و ایرانین ضامینلیگینده قورولان و داوام ائدن آستانا پروسئسی‌نین ده تورکیه‌دکی سئچکی‌لردن سونرا عینی ایله داوام ائدجگینی سؤیلمک مومکون‌دور. سئچکی‌دن سونرا نامعینلیک یاشانماماسی و ثابیتلیگین داوام ائتمه‌سی تورکیه ایله قبول ائدیلین راضیلاشما‌لار اوچون مثبت نتیجه‌دیر.
"تورکییه‌نین گوندمینه دایر تحلیل" پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون "اردوغانین قلبه‌سی و تورکیه‌نین خاریجی سیاستی" موضوع لو آنالیتیک یازی‌سینی تقدیم ائتدیک.
