روسیه: کلیشچیوکا قصبه‌سینی آزاد ائتدیک
روسیه: گونئی حربی گروپونون قوشونلاری فعال حرکتلر نتیجه‌سینده دونتسک خالق جمهوریتینین کلیشچیوکا قصبه‌سینی آزاد ائدیب
روسیه مودافیعه ناظیرلیگی دونتسک ویلایتینده‌کی کلیشچیوکا قصبه‌سینین روسیه اوردوسونون نظارتینه کئچدیگینی بیلدیریب.
ناظیرلیکدن وئریلن آچیقلامادا 2022-جی ایلین فویه آییندان بو یانا داوام ائدن روسیه-اوکراینا موحاریبه‌سینده روسیه حربی بیرلشمه‌لرینین فعالیتی باره‌ده معلومات وئریلیب. بَیاناتدا،
"گونئی حربی گروپونون قوشونلاری فعال حرکتلر نتیجه‌سینده دونتسک خالق جمهوریتینین کلیشچیوکا قصبه‌سینی آزاد ائدیب." ایفاده‌سی ایشلدیلدی.
آچیقلامادا اوکراینا اوردوسونا عائد 2 مهمات آنبارینین محو ائدیلدیگی، 34 پیلوتسوز اوچوش آپاراتینین روسیه هاوا هوجوموندان مودافیعه سیستملری طرفیندن وورولدوغو پایلاشیلیب.
بوندان علاوه، بَیاناتدا آشاغیداکیلار قید اولونوب:
"حربی عملیات باشلایاندان ایندییه‌دک اوکراینا اوردوسونا مخصوص 601 اوچاق، 274 هلیکوپتر، 24 مین 498 پیلوتسوز اوچوش آپاراتی، 523 هاوا هوجوموندان مودافیعه راکت سیستمی، 16 مین 121 تانک و زره‌لی ماشین، 1307 چوخ‌لوله‌لی راکتیو یایلیم آتشی سیستمی، 9 مین 740 هویتزر و قومبارا آتان و 915 خوصوصی حربی ماشین محو ائدیلیب."
