نیجریه‌ده مسجیده ائدیلن هوجومدا اؤلنلرین سایی آرتیب
پارتلاییشدا یارالانانلاردان 6-نین حیاتینی ایتیردیگی، اؤلنلرین سایینین ایسه 17-یه یوکسلدیگی بیلدیریلیب
2142969
نیجریه‌نین کانو ایالتینده اؤتن هفته مسجیدده باش وئرن پارتلاییشدا حیاتینی ایتیرنلرین سایی 17-یه یوکسلیب.
کانو پولیسینین خالق ایله علاقه‌لر مسئولو عبداللهی هارونا آچیقلاماسیندا می آیینین 15-ده ایالتین گزاوا بؤلگه‌سیندکی لارابا آباساوا کندینده سحر نمازی واختی مسجیده آتیلان مولوتوف کوکتیلی سببیندن پارتلاییشین باش وئردیگینی خاطیرلادیب.
هارونا پارتلاییشدا یارالانانلاردان 6-نین حیاتینی ایتیردیگینی، اؤلنلرین سایینین ایسه 17-یه یوکسلدیگینی بیلدیریب.
پرزیدنت بولا احمد تینوبو یازیلی آچیقلاماسیندا بو فاجیعه‌لی حرکتی پیسلییب و حقوق-موحافیظه اورگانلارینا جنایتکارلارین جیدّی شکیلده آراشدیریلماسینی و محاکیمه اولونماسینی تامین ائتمه‌یی تاپشیریب.
پارتلاییشلا باغلی آپاریلان آراشدیرمالار زامانی بیر نفر ساخلانیلیب.
