دونیا بیلیمیوردلاریندا فیلیسطینه دستک تظاهراتی
نیو جرسیدهکی راتقرز بیلیمیوردو دا فیلیسطینه دستک تظاهراتی کئچیرن آمریکا بیلیمیوردلارینا قوشولدو
![fransa paris ens ogrenciler filistin.jpg](http://cdn.trt.net.tr/images/xlarge/rectangle/d6e4/49fd/6730/664d929c1570e.jpg?time=1718693988)
![cenevre universite filistin.jpg](http://cdn.trt.net.tr/images/xlarge/rectangle/2e5b/ef8a/6feb/664d9344db7fb.jpg?time=1718693988)
ایسرائیلین غزهیه هوجوملارینا عکسالعمللر اوچقون کیمی آرتیر.
نیو جرسیدهکی راتقرز بیلیمیوردو دا فیلیسطینه دستک تظاهراتی کئچیرن آمریکا بیلیمیوردلارینا قوشولدو.
ایسرائیلین هوجوملارینا سون قویماغا چاغیران بیلیمیوردو طلبهلری مجتمعده چادیرلار قوروبلار.
سوئیسین زوریخ بیلیمیوردونون طلبهلری ده ایسرائیلین هوجوملارینا عکسالعمل وئریرلر.
بیر گروپ طلبه غزهیه هوجوملارا اعتیراض اولاراق اوتوراق اعتیراضی کئچیریب.
ژنو بیلیمیوردوندا فیلیسطینه دستک تظاهراتیندا پولیس موداخیله ائدیب.
پولیس تظاهراتین کئچیریلدیگی اراضیده فیلیسطین بایراقلارینی و پانکارتلاری ائندیریب.
اعتیراضلارا فرانسهنین پایتخاتی پاریسین ان پرستیژلی بیلیمیوردلاریندان بیری اولان اکول نرمال سوپریورون طلبهلریده قاتیلیب. طلبهلر بیلیمیوردونون باغچاسیندا دوشرگه سالدیلار.
پاریسده ده ایسرائیل سیلاح شیرکتلرینین 17-21 جون تاریخلرینده کئچیریلهجک اولوسلارآراسی یوروساتوری سرگیسینده ایشتیراکینین قارشیسینین آلینماسی طلبی ایله تظاهرات کئچیریلیب.
موخالیفتچی سیاستچیلرین ده ایشتیراک ائتدیگی تظاهراتدا «غزهده قتل عامی دایاندیرین» و «بیزی سوسدورا بیلمهیجکلر» یازیلی پانکارتلار داشینیب.