امریکا و ایسراییل آراسیندا دانیشیقلار تاخیره سالیندی
امریکا و ایسراییل نوماینده هئیتلری آراسیندا بو هفته واشینگتوندا کئچیریلمهسی پلانلاشدیریلان رفح دانیشیقلاری "داوام ائدن آتشکس دانیشیقلاری" سببیندن یئنیدن تاخیره سالینیب.
امریکا و ایسراییل نوماینده هئیتلری آراسیندا بو هفته واشینگتوندا کئچیریلمهسی پلانلاشدیریلان رفح دانیشیقلاری "داوام ائدن آتشکس دانیشیقلاری" سببیندن یئنیدن تاخیره سالینیب.
بو بارهده آغ ائوین میللی تهلوکهسیزلیک شوراسینین ایستراتژی ایله تیشیم کووردیناتورو جان کربی تله کنفرانس یولو ایله کئچیردیگی مطبوعات کنفرانسیندا بیلدیریب.
کئچن هفته وئردیگی آچیقلامادا ایسراییل هئیتینین بو هفته واشینگتونا سفر ائتمهسینی گؤزلدیکلرینی آچیقلایان کربی، داوام ائدن آتشکس دانیشیقلاری ایله باغلی پروسه سبببیندن هئیتین بو هفته گلهمهیهجگینی دئییب.
ایسراییل هئیتینین گلن هفته گلمهسینی گؤزلدیکلرینی قئید ائدن جان کربی دقیق بیر تاریخ وئرمکدن ایمتینا ائدیب.
جان کربی دئییب:"یونه تیمیمیز گیروولارین آزاد ائدیلمهسینه و درحال آتشکس اعلان ائدیلمهسینه ایمکان وئرهجک راضیلاشما الده ائتمک اوچون هر شئی ائدیر.
ایسراییل بیرلشمیش میللتلر تشکیلاتینین تهلوکهسیزلیک شوراسینین غزه-ده آتشکس طلبی ایله باغلی قبول ائتدیگی قطعنامه لاییحهسینه سسوئرمهده امریکانین "بی طرف" سس وئرمهسینه جاواب اولاراق اؤتن هفته رفح عملیاتی ایله باغلی واشینگتونا گئدهجک نوماینده هئیتینین سفرینی لغو ائتمیشدی.
امریکا طرفی ایسه نوماینده هئیتینین سفرینین لغو ائدیلمهسی قرارینی "خیال قیریقلیغی اولاراق قیمتلندیرمیشدی.
اؤتن هفته طرفلر آراسیندا اونلاین قایدادا گؤروش کئچیریلمیشدی و آغ ائو ایسراییل نوماینده هئیتینین بو هفته واشینگتونا گئدجگینی آچیقلامیشدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی