روسیه اوکراین ایله راضیلاشمایا حاضیر اولدوغونو بیلدیریب
سرگئی لاوروف: بوگونکو اوکراین مسئله‌سی غربین اوزون ایللر داوام ائتدیردیگی حاضیر‌لیق‌لار نتیجه‌‌سینده یارانیب
روسیه‌نین خاریجی ایشلر ناظیری سرگئی لاوروف روسیه‌نین تهلوکه‌سیز‌لیک ماراقلارینا اساسلاناراق اوکراین ایله دوروست راضیلاشمایا حاضیر اولدوقلارینی بیلدیریب.
لاوروف پایتخت مسکودا خاریجی اؤلکه‌لرین سفیر‌لری‌یله اوکراین ایله باغلی گؤروش کئچیریب.
گؤروشدن سونرا ژورنالیست‌لره آچیقلاما وئرن لاوروف بیان ائدیب کی، بوگونکو اوکراین مسئله‌سی غربین اوزون ایللر داوام ائتدیردیگی حاضیر‌لیق‌لار نتیجه‌‌سینده یارانیب.
غربین اوکراین پرزیدنتی ولادیمیر زلنسکی‌نین اوکراینین 10 بند‌لیک صلح پلانینا مومکون قدر چوخ اؤلکه داخیل ائتمک اوچون خوصوصی اولاراق چالیشدیغینی قید ائدن لاوروف، بو پلا‌نین روسیه‌نین تسلیم اولما‌سینی و 1991-جی ایل سرحدلرینه قاییتما‌سینی احتیوا ائدن اولتیماتوم اولدوغونو بیلدیریب.
حاضیردا سوئیس‌ده صلح کونفرانسی‌نین کئچیریلمسی‌نین پلانلاشدیریلدیغینی خاطیرلا‌دان لاوروف روسیه‌نین بو کونفرانسدا اولمایاجاغینا دقت چکیب. لاوروف، "دولاندیریجیلیقلا هر کسی بو تدبیره جلب ائتمه‌یه چالیشیرلار. مقصد 140 اؤلکه‌دن نماینده هیئتینی توپلاماق‌دیر" دئدی.
هر بیر اؤلکه‌نین اوزرینده ایشله‌مک ایستدیگی مؤوضوعو سئچه بیله‌جیی اوچون صلح فرموللارینین مینیموم سویه‌ده اولاجاغینا دقت چکن لاوروف، بو اصول‌لارین یالنیز عائله شکیللری چکمه‌یه چالیشاجاغینی بیلدیریب.
زلنسکی‌نین ایستدیگی کیمی سوئیس‌ده کئچیریله‌جک صلح زیروه‌سینده ایشتراک ائتمه‌مک اوچون هئچ کیمه تضییق ائتمدیک‌لر‌ینی افاده ائدن لاوروف، "همکارلاریمیزا (سفیر‌لره) هر شئیی ایضاح ائتدیک. غربین تشکیل ائتدیگیمیز تدبیرلرده ایشتراکین قارشی‌سینی آلماغا جهد ائتدیگی کیمی، دیگر اؤلکه‌لرین ده زیروه‌ده ایشتیراکینی قاداغان ائتمیه‌جییک.“ دئدی.
ایستانبولدا اوکراین ایله آپاریلان صلح دانیشیق‌لاریندا شانسین اولدوغونو بیلدیرن لاوروف بو شانسین اینگیلیسین او زامانکی باش ناظیری بوریس جانسون و آمریکا‌نین دستیی ایله الدن وئریلدیگینی بیلدیریب.
او واخت‌دان بری مناقشه بؤلگه‌‌سینده‌کی ”یئنی گئرچکلیکلرین“ وضعیتی معین ائتدیگینی وورغولایان لاوروف، ”بیز طبیعی کی، ایلک نوبه‌ده روسیه‌نین تهلوکه‌سیز‌لیک ماراقلارینا اساسلانا‌جاق، یئنی گئرچکلیکلره دایانا‌جاق، همچنین دیگر اؤلکلرین، او جومله‌دن اوکراینین تهلوکه‌سیز‌لیک ماراقلارینی دا نظره آلا‌جاق دوروست راضیلاشمایا حاضیریق.“ دئدی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
