هاوانا سندرومونون روسیایلا باغلانتیلی اولدوغو ادعا ائدیلدی
هاوانا سندرومو قوربانلارینین روسیایا عاید سونیک سلاحلارلا هدف آلینمیش اولابیله‌جگی ایر‌لی سورولور
آمریکالی و کانادالی دیپلوماتلاردا گؤروله‌ن و "هاوانا سندرومو" اولاراق آدلاندیریلان گیزملی/سیرلی خسته‌لیگین، روسیایا عاید بیر عسگری استخبارات بیریمینین چالیشمالارییلا باغلانتیسسی اولدوغو ادعا ائدیلدی.
د اینسایدر، در ایشپیگل و سی‌بی‌اس یایین اورگانلاری طرفیندن یئریدیله‌ن اورتاق چالیشمانین نتیجه‌لری، سی‌بی‌اس‌ین ۶۰ مینتس پروگرامیندا یایینلاندی.
هاوانا سندرومو قوربانلارینین روسیایا عاید سونیک سلاحلارلا هدف آلینمیش اولابیله‌جگی ایر‌لی سوروله‌ن چالیشمادا، حادثه‌لری آراشدیران آمریکالی عسگری محقق گرگ ادگرین، گیزملی خسته‌لیگین قوربانلاری آراسنداکی اورتاق باغلانتینین "روسیا" اولدوغونو ایفاده ائتدی.
بو شخصلرین بیر شکیلده روسیا علیه‌ینه چالیشدیقلارینی، بو اؤلکه‌یه اوداقلاندیقلارینی و ایشلرینی چوخ یاخشی گؤردوکلرینی یبیلدیرن ادگرئین، اؤلکه‌سینین "بعضی سرت گئرچکلرله اۆزلشمک" ایستمه‌دیگی اوچون روسیانین دخلینی گؤستره‌ن دلیللرین دوغرولوغونو تصدیق قونوسونو چتینلشدیردیگینی سؤیله‌دی.
دیگر طرفدن، چالیشمادا، آمریکالی دیپلوماتلاردا هاوانا سندرومو علائمی گؤرولدوگو زامانلاردا، "۲۹۱۵۵" اولاراق بیلینه‌ن روسیا عسگری استخبارات سرویسی بیریمیندن جاسوسلارین یاخینلارداکی بؤلگه‌لرده اولدوغونا دایر دلیل اولدوغو پایلاشیلدی.
روسیا اوداقلی یاییملاریلا بیلینه‌ن د اینسایدر سایتیندا دا ۲۹۱۵۵ بیریمینده وظیفه‌لی روس جاسوسلارینین "اؤلومجول اولمایان آکوستیک سلاحلار" گلیشدیرمه‌یه دایر ایشلری سببی ایله اؤدوللندیریلدیگی یازیلدی.
آمریکالی مقاملار سی‌بی‌اس نیوزا وئردیکلری آچیقلامادا، غریبه ساغلیق حادثه‌لرینی یاخیندان آراشدیرماغی داوام ائتدیره‌جکلرینی آنجاق بو حادثه‌لر ایله خاریجی دوشمنلر آراسندا بیر باغ قورولامادیغی قونوسونداکی فیکیرلرینی قورودوقلارینی بیلدیردی.
روسیا دؤولت باشقانلیغی سارایی (کرملین) سؤزچوسو دمیتری پئسکوو ایسه سؤز قونوسو چالیشما ایله الباغلی وئردیگی آچیقلامادا، اؤلکه‌سینین دخلی اولدوغونا دایر دلیل اولمادیغینی وورغولادی.
پئسکوو، یایین قورولوشلارینین سوروشدورمالارینداکی سوچلامالارین اساسسیز اولدوغونو ساووندو.
مرموز خسته‌لیک، ایلک اولاراق ۲۰۱۶-۲۰۱۷ ایللرینده کوبادا وظیفه یئرینه یئتیره‌ن کانادالی و آمریکالی دیپلوماتلار ایله عائله‌لرینده گؤرولموشدو.
اؤلکه‌ده‌کی دیپلوماتیک پرسنل و عائله‌لری، باش گیجلله‌نمه‌سی، تعادل و ائشیتمه ایتکیسی، آنکسیته/اضطراب و "بیلیشسل سیس" دئیه تانیملادیقلاری سمپتوملاری بیلدیرمه‌یه باشلامیشدی. بو شخصلر، بیر آندا اطرا‌داکیلارین ائشیتمه‌دیگی شکیلده سس-کۆیلر ائشیتدیکلرینی و آردیندان باسقی و تیتره‌مه حس ائتدیکلرینی ایفاده ائتمیش‌ی.
سونراکی ایللرده، کلمبیانین بوگوتا و اتریشین وین شهرلرینده ده ان آز ۶۰ حادثه ده داخیل اولماق اوزره دونیانین دؤرد بیر طرفینده بنزر حادثه‌لر بیلدیریلمیشدی.
آمریکا استخبارات بیریملری، ۲ مارس ۲۰۲۳ده، "هاوانا سندرومو حادثه‌لری ایله خاریجی گوجلرین ایلیشکیلندیریله‌ممه‌دیگی" یولوندا مئدیایا آچیقلامالار وئرمیشدی.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
