دمیتری پسکوو: آمریکا و اوروپا بیرلیگی طرفیندن چینه تضییق
کرملین سؤزچوسو: آمریکا و اوروپا بیرلیگینین چین خالق جمهوریسینه مثلی گؤرونممیش تضییقی موختلیف مسئلهلرده، او جملهدن بیزیمله مناسبتلرده داوام ائدیر
کرملین سؤزچوسو دمیتری پسکوو جمعه آخشامی بعضی چین بانکلارینین روسیهدن اؤدنیشلری قبول ائتمدیگینی شرح ائدرک، پکنین آمریکا و اوروپا بیرلیگی طرفیندن گؤرونممیش تضییق آلتیندا اولدوغونو بیلدیریب.
پسکوو گوندهلیک تلفون کونفرانسیندا ژورنالیستلره "شبههسیز کی، آمریکا و اوروپا بیرلیگینین چین خالق جمهوریسینه مثلی گؤرونممیش تضییقی موختلیف مسئلهلرده، او جملهدن بیزیمله مناسبتلرده داوام ائدیر" دئییب و
"البته، بو، معین پروبلملر یارادیر، لاکین بو، تیجاری-ایقتیصادی علاقهلریمیزین گلجک گلیشمهسینه مانع اولا بیلمز"، بیلدیریب.
روسیهلی ایش آداملاری چین بانکلارییله عملیاتلاریندا پروبلملر یاشاماغا باشلاییبلار. آمریکا چینلی بانکلاری روسیهیله تیجارتده واسطهچیلیک ائتسهلر، اونلاری ایکینجی درجهلی تحریملرله حدهلهییر.
”ایزوستییا“ قزئتی جمعه آخشامی چین بانکلارینین "پینگ آن بانک" و "بانک اوف نینگبو"نون روسیهدن چین پولویله اؤدهنیشلرینی دایاندیردیغینی بیلدیریب. قزئت همچنین دبس بانک، گریت وال وست چاینا بانک و چاینا ژشانگ بانک-ین روسیهیله عملیاتلارینا بعضی محدودیتلر تطبیق ائتدیگینی یازیب.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.