حوثیلر آمریکا گمیسینه قارشی قیسا منزیللی بالیستیک راکت آتدی
حوثیلرین قیزیل دنیزدهکی "یواساس لابوون" دیسترویر گمیسینه قیسا منزیللی باللیستیک راکت آتدیغی و حوثیلرین آتدیغی راکتی کوالیسیون گمیسی ایله محو ائتدیگی بیلدیریلیب
آمریکا یمنده ایرانین دستکلدیگی حوثیلرین قیزیل دنیزده آمریکا گمیسینه قارشی قیسا منزیللی بالیستیک راکت آتدیغینی آچیقلاییب.
آمریکا مرکزی کوماندانلیغی (سنتکوم) ایکس سوسیال مئدیا پلاتفورموندا مسئله ایله باغلی آچیقلاما وئریب.
آچیقلامادا حوثیلرین 12 مارتدا قیزیل دنیزدهکی "یواساس لابوون" دیسترویر گمیسینه قیسا منزیللی باللیستیک راکت آتدیغی، آمریکانین حوثیلرین نظارتیندهکی بؤلگهلردن آتدیغی راکتی کوالیسیون گمیسی ایله محو ائتدیگی بیلدیریلیب.
ایرانین دستکلدیگی یمنده حوثیلر ایسرائیلین غزهیه هوجوملارینا قارشیلیق اولاراق 31 اوکتبردان بری یمن ساحیللرینده ایسرائیل شیرکتلرینه باغلی اولدوقلارینی سؤیلدیکلری تیجارت گمیلرینی اله کئچیریر وه بعضیلرینه پیلوتسوز اوچوش آپاراتلاری و راکتلر ایله هوجوم ائدیرلر.
حوثیلرین حرکتلریندن سونرا بیر چوخ گمیچیلیک شیرکتی قیزیل دنیزدهکی سیاحتلرینی دایاندیرماق قرارینا گلیب.
آمریکا دسامبرین 18-ده گلوبال دنیز تیجارتی تهلوکهسیزلیگینین تهلوکه آلتیندا اولدوغو اساسی ایله بیر قروپ اؤلکهنین ایشتیراکی ایله حوثی قووهلرینه قارشی «رفاهین موحافیظهچیسی» آدلی چوخمیللتلی «دنیز وظیفه گوجو» یارادیلدیغینی آچیقلاییب.
آمریکا قووهلری بو موددت عرضینده دفعهلرله یمندن آتیلان راکتلری وه پیلوتسوز اوچوش آپاراتلاری ووردوقلارینی آچیقلاییب.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.