پاپ، استثماردان ضرر گؤرنلری ساووندو
پاپ، واتیکاندا، کاتولیک کلیسهسینده استثمار پروبلئمی ایله موباریزه اوچون قورولموش اولان کیچیکلری قوروما کمیسیونونون عضولرینی قبول ائتدی
کاتولیک عالمینین روحانی لیدئری و واتیکان دؤولت باشقانی پاپ فرانسیس، کاتولیک کلیسهسینین جینسی استثماردان ضر گؤرونلری دینلهمهسی لازیم اولدوغونو ایفاده ائتدی.
پاپ، واتیکاندا، کاتولیک کلیسهسینده استثمار پروبلئمی ایله موباریزه اوچون قورولموش اولان کیچیکلری قوروما کمیسیونونون عضولرینی قبول ائتدی.
ایتالیا و واتیکان مطبوعات یایین اورگانلاریندا یئر آلان خبرلره گؤره، پاپ فرانسیس، بوراداکی دانیشماسیندا، "ضرر چکمیشلره یاخینلیق، انتزاعی بیر قاورام دئییل، اونلاری دینلمهیی، موداخیله ائتمهیی، اؤنلمهیی و کؤمک ائتمهیی ایچرن چوخ ملموس بیر حقیقتدیر" دئدی.
استثماردان ضرر چکمیش اولانلارین ائشیدیلمهسی لازیم اولدوغونو وورغولایان پاپ، "بو اینسانلارین اؤزلرینی رد ائدیلمیش کیمی حس ائتمهلرینه اصلا ایجازه وئرمهیین. بو قارداشلاریمیزین خوش قارشیلانماماسی و دینلهنمهمهسی کیمی وضعیتلر اصلا اولمامالیدیر. چونکو بو اونلارین آجیلارینی بؤیوک اؤلچوده آغیرلاشدیرابیلر" دئیه دانیشدی.
پاپ، کاتولیک کلیسهسینین استثماردان زرر چکمیشلری دینلهمهمهسینین اصلا سؤز قونوسو اولماماسی لازیم اولدوغونو ایفاده ائدرک، کلیسهنین استثمارلا موباریزهدهکی عزمینین آزالماماسی لازیم اولدوغونو دا قید ائتدی.
۱۱ ایلدیر کاتولیک کلیسهسینین باشیندا اولان پاپ فرانسیس، دونیانین بیر چوخ یئرینده جینسی استثمار حادثهلری و بونلارین اؤرتباس ائدیلمهمهسینه قارشی بعضی آددیملار آتسا دا استثماردان ضرر گؤرموشلر بونلاری کیئترلی گؤرمور. ضرر گؤرموش شحصلر، پاپین بو مؤوضوعدا داها چوخونو ائتمهسی لازیم اولدوغونو ساوونور.