اوکراین: روسیهنین "سوخو-34" ساواش اوچاغینی ووردوق
اوکراین حربی هاوا قووهلرینین قوماندانی: دوغو ایستیقامتینده بیر سوخو-34 داها آزالدی
اوکراین حربی هاوا قووهلرینین قوماندانی نیکولای اولشچوک روسیهنین "سوخو-34" مدل ساواش اوچاغینی ووردوقلارینی آچیقلاییب.
اولشچوک سوسیال مئدیا حسابینداکی پایلاشیمیندا داها بیر روس اوچاغینی ووردوقلارینی آچیقلاییب و "بو گون 29 فوریهدیر، هر 4 ایلدن بیر گلن تاریخدیر، لاکین روسلار اوچون باشقا بیر اوچاغین ایتمهسی ایله تانینان بیر گوندور. دوغو ایستیقامتینده بیر سوخو-34 داها آزالدی." دئییب.
اوکراین باش قرارگاه رئیسی اولکساندر سیرسکی ده سوسیال مئدیا حسابینداکی پایلاشیمیندا جبهه خطیندهکی وضعییتی دیرلندیریب.
اوکراین مودافیعه قووهلرینین عملییات بؤلگهسیندهکی وضعییتینین چتین اولاراق داوام ائتدیگینی بیلدیرن سیرسکی روسیهنین نظارتی قورمایا چالیشدیغی وئربووی و روبوتینی بؤلگهلرینده شیدتلی توققوشمالارین داوام ائتدیگینی بیلدیریب.
اولکساندر سیرسکی قئید ائدیب کی اوکراین عسگرلری اورلیوکا قصبهسینین کنارینا دوغرو ایرلیلین روس قوشونلارینی دفع ائدیب.