آمریکا پرزیدنتی جو بایدن: من صهیونیستم
بایدن: صهیونیست اولماق اوچون یهودی اولماق لازیم دئییل. من صهیونیستم، اگر ایسرائیل اولماسایدی، دونیادا بیر یهودی بئله تهلوکهسیز اولمازدی
آمریکا پرزیدنتی جو بایدن صهیونیست اولماق اوچون یهودی اولماغا احتییاج اولمادیغینی بیلدیریب و "من صهیونیستم" دئییب.
جو بایدن NBC-ده "ست مایرز ایله گئجه یاریسی" پروگرامینا قاتیلیب و گوندمله باغلی سواللاری جاوابلاندیریب.
بایدن غزه زولاغیندا آتشکسله باغلی سوالا "قارشیدا بیر یول وار، آما چتین بیر یولدور" جاوابینی وئریب.
ایسرائیلین اؤزو و فیلیستینلیلر اوچون صولح فورصتیندن ایستیفاده ائتملی اولدوغونا ایشاره ائدن بایدن، "صهیونیست اولماق اوچون یهودی اولماق لازیم دئییل. من صهیونیستم، اگر ایسرائیل اولماسایدی، دونیادا بیر یهودی بئله تهلوکهسیز اولمازدی" دئدی.
جو بایدن، مووقتی آتشکس الده اولونارسا، فرقلی ایستیقامتده ایرلیلییشین الده اولونا بیلهجگینی و بئله بیر وضعییتده ایسرائیلین تهلوکهسیزلیگینی و فیلیستینلیلرین موستقیللیگینی تامین ائدجک ایکی دؤولتلی چؤزوم یولونا گلینه بیلهجگینی بیلدیریب.
7 اوکتبردان ایسرائیلین غزه زولاغینا شیدتلی هوجوملاری نتیجهسینده اکثرییتی اوشاق اولماقلا 30 مینه یاخین فیلیستینلی حیاتینی ایتیریب.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.