جوزپ بورل: آشیری ایسرائیل یانلیسی دوروش سرگیلهدی
آوروپا بیرلیگی کمیسیونو باشقانی فون در لاین، ایسرائیلین غزهیه سالدیریلارینین باشلادیغی ۷ اکتبردان بو یانا "آشیری ایسرائیل یانلیسی دوروش" سرگیلهدیگی سببی ایله تنقید اولونور
آوروپا بیرلیگی خاریجی ایلیشکیلر و گۆونلیک سیاستلری یۆکسک نمایندهسی جوزپ بورل، آوروپا بیرلیگی کمیسیونو باشقانی اورزولا فون در لاینی "تامامیله ایسرائیل یانلیسی دوروش سرگیلهمکله" سوچلادی.
ژوسئپ بورل، ایسپانیانین ال پایس قزئتینه وئردیگی رئپورتاژدا،
"فون در لاینین تامامیله ایسرائیل یانلیسی بیر دوروش سرگیلهدیگی، اولوسلارآراسی سیاست قونوسوندا اؤزوندن باشقا کیمسهنی تمثیل ائتمهیهن (ایسرائیل) گزینتیسینین آوروپا باخیمیندان ژئوپولیتیک خرجی اولدوقجا یوکسک اولدو" دگرلندیرمهسینی وئردی.
آوروپا بیرلیگی یوکسک نمایندهسی، ایستر روسیا-اوکراینا ساواشی ایستر ایسرائیلین غزهیه قارشی سالدیریلاریندان اؤترو آوروپا بیرلیگینین ایندییه قدر سرگیلهدیگی سیاسی داورانیشی تنقید ائدرک، "سیاستلریندن اؤترو باتیدا بیر قاسیرغانین یاخینلاشدیغی" بنزتمهسینی ائتدی.
دونیا کلاسیک یازارلاریندان ایتالیالی یازار و شاعر دانته آلیگیرینین "الهی کمدی" کیتابینا استناد ائدن بورل، اوکراینا و غزهده یاشانان خشونتین بو کیتابدا بحث ائدیلهن "خشونت چنبرینه" بنزدیگینی قید ائتدی.
جوزپ بورل، "(ولادیمیر) پوتین و (دونالد) ترامپ، هله قازانمادیلار اما قازانابیلرلر. چوخ گئج اولمادان آوروپا اویانماق مجبوریتیندهدیر" ایفادهلرینی ایشلتدی.
آوروپا بیرلیگی کمیسیونو باشقانی فون در لاین، ایسرائیلین غزهیه سالدیریلارینین باشلادیغی ۷ اکتبردان بو یانا "آشیری ایسرائیل یانلیسی دوروش" سرگیلهدیگی سببی ایله تنقید اولونور.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.