'سؤزده ارمنی سوی‌قیریمی حاقیندا حقیقت'
۱۹۱۵ حادثه‌لرینه باغلی سؤزده ارمنی ادعالارینا جاواب اؤزللیگینده‌کی کیتاب چالیشماسی تاماملاندی
آمریکا بیرلشمیش دؤولتلرینده فعالیت گؤستره‌ن تۆرک آمریکا گۆونلیک وقفی (تاسفو) آدلی تۆرک مدنی قورولوش، ۱۹۱۵ حادثه‌لرینه باغلی سؤزده ارمنی ادعالارینا جاواب اؤزللیگینده‌کی کیتاب ایشینی تاماملادی.
تاسفو وقفی قوروجو باشقانی فاتح اؤزونور، مطبوعاتا وئردیگی آچیقلامادا، 'سؤزده ارمنی سوی‌قیریمی حاقیندا حقیقت' آدلی کیتاب چالیشمامیزی اعلان ائتمه‌نین سئوینجینی یاشاییریق" دئدی.
اؤزونور، کیتاب چالیشماسیندا، آمریکادا قونوسوندا متخصص ۱۲ آیری تاریخچی و آکادمیسین ایله ارمنی ادعالارینا جاواب اولابیله‌جک اوزون موصاحیبه‌لرین یئر آلدیغینی سؤیله‌دی.
کیتاب چالیشماسینین ایلک آشامادا دیجیتال باسقیسینین اوخوجویا سونولدوغونو ایفاده ائد‌ن اؤزونور، یاخین زاماندا چئوریم ایچی/آنلاین ساتیش پلتفورمو آمازوندا دا ساتیشینین باشلایاجاغی بیلگیسینی پایلاشدی.
کیتابین تک آماجینین، "تاریخی دایاغی اولمایان سؤزده ارمنی سوی‌قیریمی ادعالارینی، اوزون ایللردیر ساختا سندلر و گؤرسللرله آمریکانین باشکندی واشینگتندا قبول ائتدیرمک اوچون چالیشان ارمنی لابیسینه جاواب وئرمک" اولدوغو ایفاده ائدیلدی.
اینگیلیزجه اولاراق حاضرلانان کیتابین، مومکون اولان ان قیسا زاماندا تۆرکیه تۆرکجه‌سی، آذربایجان تۆرکجه‌سی، فرانسیزجا، آلمانجا، اسپانیولجا، یونانجا و ارمنیجه باسقیلارینین دا حاضرلانماسی پلانلاندیغی بیلدیریلدی.
