فنلاند و سوئد روسیه سفیرلرینی خاریجی ایشلر ناظیرلیکلرینه چاغیریب
روسیه فدرال حبسخانا خیدمتی، آلکسی ناوالنینین 16 فوریه‌ده حبسخانادا اؤلدویونو و اؤلومون سببینین آراشدیریلاجاغینی بیلدیریب
فنلاند و سوئد روسیه‌لی موخالیف آلکسی ناوالنینین حبسخانادا اؤلومو ایله باغلی روسیه‌نین اؤلکه‌لرینده‌کی سفیرلرینی خاریجی ایشلر ناظیرلیکلرینه چاغیریب.
فنلاند خاریجی ایشلر ناظیرلیگی روسیه‌لی دیپلوماتی «روسیه‌نین (ناوالنینین اؤلومونه گؤره) سوروملولوک داشیدیغینی وورغولاماق و شفاف آراشدیرما طلب ائتمک اوچون» ناظیرلییه چاغیردیقلارینی آچیقلاییب.
بیاناتدا «بیز روسیه‌ده‌کی بوتون سیاسی محبوسلارین آزادلیغا بوراخیلماسی اوچون چاغیریشلاری داوام ائتدیرجییک»، دئییلدی.
سوئدین خاریجی ایشلر ناظیری توبیاس بیلستروم دا قئید ائدیب کی، اوروپا ایتیفاقی ناوالنینین اؤلومو ایله باغلی تدبیر گؤرملیدیر.
بیلستروم آچیقلاماسیندا: اوروپا ایتیفاقی روسیه‌ده‌کی سیاسی باسقیلارا قارشی حرکت ائتملیدیر. بو، ناوالنینین روسیه‌ده حبسخانادا اؤلوموندن سونرا خوصوصیله واجیبدیر"، دئییب.
بیلستروم بیان ائدیب کی، سوئد اوروپا ایتیفاقینین روسیه‌یه قارشی یئنی یاپتیریم مومکونلویونو آراشدیرماق گیریشیمی ایله چیخیش ائدیب.
روسیه فدرال حبسخانا خیدمتی، آلکسی ناوالنینین 16 فوریه‌ده حبسخانادا اؤلدویونو و اؤلومون سببینین آراشدیریلاجاغینی بیلدیریب.
آگوست آییندا روسیه محکمه‌سی حبسده اولان ناوالنی‌یه آشیریلیق یانلیسی توپلولوق یاراتماق ایتتیهامی ایله داها 19 ایل حبس جزاسی وئرمیشدی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
