پاپوا یئنی‌گینه طایفالار آراسی قارشیدورمادا 53 نفر حیاتینی ایتیریب
ایکی طایفانین بیر-بیرینه پوسقو قورماسی نتیجسینده یارانان قارشیدورمادا 53 نفر اولوب
ساکیت اوقیانوسون گونئی-باتیسیندا یئرلشن پاپوا یئنی‌گینه داغلیق بؤلگه‌لرینده طایفالار آراسیندا باش وئرن قارشیدورمادا 53 نفر حیاتینی ایتیریب.
پولیس گوجلری ائنقا بؤلگسینده ایکی طایفانین بیر-بیرینه پوسقو قورماسی نتیجسینده یارانان قارشیدورمادا 53 نفرین اؤلدویونو بیلدیریب.
حادیثه‌نی اؤلکه‌نین یاخین تاریخینده "ان بؤیوک قیرغین" کیمی خاراکتئریزه ائدن پولیس گوجلری جسدلرین پولیس کامیونتلرینه یوکلندیگینی بیلدیریب.
کراللیخ پولیس تشکیلاتی باش موفتتیش وظیفه‌سینی ایجرا ائدن گئورگ کاکاس حادیثه ایله ایلگیلنن پولیس مامورلارینین "شوک" اولدوغونو سؤیلدی.
کاکاس قئید ائدیب کی، اؤلنلرین سایینین آرتاجاغی ایله باغلی ناراحاتلیق وار.
بؤلگه‌ده 2022 ایلی سئچکیلریندن سونرا باشلایان قارشیدورمالارین سون واختلار قارشیلیقلی پوسقولار وه کندلره سیلاحلی هوجوملارلا شیددتلندیگی بیلدیریلیر.
