روسیا و امریکا آراسینداکی گؤروشلر نتیجه سیزمی قالدی؟
امریکا روسیا پرزیدنتی ولادیمیر پوتینین اوکراینادا موناقیشهنین دوندورولماسی معناسینی داشییان آتیشکسین اعلان اولونماسی تکلیفینی رد ائدیب.
امریکا روسیا پرزیدنتی ولادیمیر پوتینین اوکراینادا موناقیشهنین دوندورولماسی معناسینی داشییان آتشکسین اعلان اولونماسی تکلیفینی رد ائدیب.
"رویترز" آژانسینین روسیا منبعلرینه ایستینادن وئردیگی معلوماتا گؤره، ایکی اؤلکه آراسیندا غیر مستقیم شکیلده آپاریلان دانیشیقلار نتیجهسیز قالیب و بو، ایکی آپاریجی آتوم دؤولتی آراسیندا جدی فیکیر آیریلیقلارینین اولدوغونو گؤستریر.
بو آرادا "رویترز" آژانسینین واشینگتون-داکی منبعسی بیلدیریر کی، روسیا ایله هئچ بیر رسمی و یا غیری-رسمی دانیشیقلار اولماییب و واشینگتون کیئو اولمادان هئچ بیر شکیلده دانیشیقلار آپارمایاجاق.
خبره گؤره، روسیا موختلیف طرفلرین، او جملهدن اورتا دوغوداکی عرب طرفداشلاری واسیطهسیله اوکراینانین ایشغال اولونموش اراضیلرینه نظارت ائتمک شرطی ایله آتشکسه حاضیر اولدوغونو بیان ائدیب. آدینین آچیقلانماسینی ایستمهین روسیا رسمیسی "آمریکالیلارلا اولان تماسلار هئچ بیر نتیجه وئرمهدی" دئیه بیلدیریب.
دیگر بیر منبع ایسه دانیشیقلارین اوغورسوزلوغونا سبب کیمی امریکانین اوکراینا طرفینین ایشتیراکی اولمادان دانیشیقلار آپارماقدان ایمتینا ائتمهسینی گؤستریب.
دانیشیقلاردان خبردار اولان اوچونجو منبع ایسه "آمریکالیلارلا دانیشیقلار فیاسکو ایله باشا چاتدی" دئییب.
کرملین، آغ ائو، امریکا خاریجی ایشلر ناظیرلیگی و مرکزی کشفیات ایدارهسی ده داخیل اولماقلا رسمی اورقانلار بو خبرلرله باغلی آچیقلاما وئرمهییب.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی