امریکا و یمن رسمی‌لری‌نین گؤروشو اولوب

یمن پرزیدنت شوراسی‌نین صدری رشاد العلیمی امریکا خاریجی ایشلر ناظیرلیگی‌ اورتا دوغو ایشلریندن مسئول مشاور معاوینی باربارا لیف ایله یمن-ین بیر حیسه‌سینه نظارت ائدن حوثی لرین قیرمیزی دنیزده و عدن کؤرفزینده‌کی ‌هوجوم‌لارینی موذاکیره ائدیب.

یمن-ین رسمی آژانسی سبا-نین خبرینه گؤره، سعودی عربیستانی‌نین پایتاختی ریاض-دا رشاد العلیمی و باربارا لیف‌ین بیر آرایا گلدیگی توپلانتیدا یمن-ین خاریجی ایشلر ناظیری عواد بن موبارک ده ایشتیراک ائدیب.

بیلدیریلیب کی، گؤروشده حوثی لرین قیرمیزی دنیز و عدن کؤرفزینده اولوسلار آراسی یوک گمی‌لرینه هوجوم‌لاری ایله دونیانین ان بؤیوک اینسانی بحران لاریندان  بیری‌نین یاشاندیغی یمن-ده خالقین حیات شرایطی موذاکیره ائدیلیب.

قئید اولونوب کی، گؤروش زامانی رشاد العلیمی خبردارلیق ائدیب کی، "ایران سلاح‌لاری‌نین و قاچاقمالچی‌لیق یولو ایله حوثی لره و اونلارلا علاقه‌ده اولان ترور تشکیلات‌لارینا داواملی فوند لارین آخینی اولوسلار آراسی باریش و تهلوکه‌سیزلیک اوچون ریسک‌دیر.