حوثی لر: امریکا و بؤیوک بریتانیا یئنه هوجوم ائتدی

یمن-ده ایرانین دستکلدیگی حوثی لر امریکا و بؤیوک بریتانیانین اؤلکه‌نین صعده و حدیده شهرلرینه 15 هاوا ضربه‌سی ائندیریب‌لر.

حوثی لره باغلی " المسیره" کانا‌لی‌نین خبرینه گؤره، امریکا و اینگیلتره اوچاق لاری یمن-ین قوزئیینده‌کی صعده و باتی سینداکی حدیده شهرلرینی هدف آلیب.

خبرده دؤیوش اوچاق لارینین حدیده-یه 11، صعده شهرینه ایسه 4 هوجوم تشکیل ائتدیگی، جان ایتکیسی ایله باغلی معلومات وئریلمه‌دیگی بیلدیریلیب.

قئید ائدک کی، ایرانین دستکلدیگی یمن-‌ده‌کی حوثی لر ایسراییلین غزه-یه هوجوم‌لارینا رئاکسیا اولا‌راق اوکتبرین 31-ده یمن ساحل‌لرینده ایسراییل شیرکت‌لرینه باغلی اولدوغونو بیلدیردیک‌لری تیجارت گمی‌لرینی مصادیره ائتمه‌یه، بعضی‌لرینه ایسه اینسانسیز هاوا آراج لاری ایله هوجوم ائتمه‌یه باشلاییب.

امریکا قوه‌لری بو مدت عرضینده دفعه‌لرله یمن-‌دن آتیلان راکت‌لری و کامیکازه ایهالاری ووردوق‌لارینی آچیقلاییب.