کنیادا پارتلاما؛ 2 اؤلن و 165 یارالانان

کنیادا گاز دولدورما قورغوسوندا باش وئرن پارتلاییش نتیجه‌سینده 2 نفر اؤلوب، ان آزی 165 نفر یارالانیب.

کنیانین پایتاختی نایروبی‌ده گئجه ساعاتلاریندا گاز دولدورما قورغوسوندا پارتلاییش باش وئریب.

یئتکیلیلر پارتلاییش نتیجه‌سینده مرکزده باش وئرن یانغیندا 2 نفرین حیاتینی ایتیردییینی، 165 نفرین یارالاندیغینی، اؤلن و یارالانانلارین سایینین آرتاجاغیندان ناراحاتلیقلارین اولدوغونو بیلدیریب.