یونان قیزیل دنیزدکی اوروپا عملییاتینین ایدارهچیلییینی ایستهییر
یونان ساوونما ناظیری: عملییاتین ایداره اولونماسینی یونان اؤز اوزرینه گؤتورسون و لاریسا قوماندانلیق مرکزی عملییاتین قوماندا مرکزینه چئوریلسین
2095878
یونان ساوونما ناظیری نیکوس دندیاس قید ائدیب کی، اوروپا ایتتیفاقینا اؤلکهسینین قیزیل دنیزدکی اوروپا عملییاتینین ایدارهچیلییینی اؤز اوزرینه گؤتورمسینی و لاریسانین عملییاتین قوماندا مرکزی اولماسینی تکلیف ائدجک.
بلژیکین پایتاختی بروکسلده کئچیریلن اوروپا ایتتیفاقی ساوونما ناظیرلری توپلانتیسیندان اوول چیخیش ائدن دندیاس بوگونکو گؤروشده اوکراین ایله یاناشی، اوروپا ساوونما صنایعی کیمی مسئلهلرین ده موذاکیره ائدیلهجیینی و بونون خصوصیله یونان اوچون اهمییتلی اولدوغونو قئید ائدیب.
دندیاس گؤروشده قیزیل دنیزده اوروپا عملییاتینین دا گوندمده اولاجاغینا دیققت چکیب، "من تکلیف ائدجم کی، عملییاتین ایداره اولونماسینی یونان اؤز اوزرینه گؤتورسون و لاریسا قوماندانلیق مرکزی عملییاتین قوماندا مرکزینه چئوریلسین." دئدی.