جوهور سولطانی ابراهیم اسکندر مالزیانین یئنی پادشاهی اولدو
مالزیادا پادشاهین 5 ایللیک سلاحییت موددتی بیتدیکدن سونرا توپلانان حکومدارلار کنفرانسی یئنی پادشاه سئچیر
مالزینین سیرالی مونارشی سیستمینده جوهور سولطانی ابراهیم اسکندر 5 ایل موددتینه یئنی پادشاه کیمی آند ایچدی.
میللی سارایدا دیگر کراللیق عائیلهلری، باش ناظیر انور ابراهیم و کابینه عضولرینین ده قاتیلدیغی مراسیمده سولطان ابراهیم آند ایچرک رسمی سندی ایمضالاییب.
65 یاشلی سولطان ابراهیمین تاج قویما مراسیمی داها سونرا کئچیریلجک.
جوهور سولتانی وظیفهسینی ایجرا ائدن سولطان ابراهیم، داشینماز املاکدان تلهکومونیکاسییونا قدر بیر چوخ ساحهده قوردوغو تیجارتله اؤلکهنین ان زنگین آداملاریندان بیری کیمی تانینیر.
مالزیده پادشاهین سلاحییت موددتی بیتدیکدن سونرا توپلانان حکومدارلار کنفرانسی یئنی پادشاه سئچیر.
قانونا اویغون اولاراق، مالزی پادشاهلیغی حکومدارلار کنفرانسینین عضوو اولان 9 ایالت آراسیندان نؤوبه ایله سئچیلیر. سیرالی دؤولت سولطانینین یئتکینلیک یاشینا چاتماماسی، کنفرانس عضولرینین راضیلیغینی آلماماسی، تاختا چیخماق ایستمهمسی کیمی موستثنا حاللاردا تاختا چیخا بیلمز.
اوکتبر آییندا حکومدارلار کنفرانسینین قبول ائتدییی قرارلا سولطان ابراهیم اسکندر یئنی پادشاه سئچیلدی.